एसीसी गेट समोर मृत कामगाराच्या कुटुंबीयांचा आक्रोश,मृतदेह ठेवला गेट समोर

घुग्घुस येथील एसीसी गेट समोर मृत कामगाराच्या कुटुंबीय व कामगार संघटनांनी आक्रोश व्यक्त करत मृतदेह एसीसी सिमेंट कंपनीच्या गेट समोर ठेवुन आज बुधवारी आंदोलन केले आहे, मृतकाच्या कुटुंबियांना 37 लाख रुपये नुकसानभरपाई व एकाला नोकरी देण्याची मागणी करण्यात आली आहे.यावेळी इंटक युनियनचे महासचिव देवेंद्र गेहलोत, राजू रेड्डी, यांच्यासह अनेकांची उपस्थिती होती.

हरिदास मोहजे हे एसीसी सिमेंट कंपनीतील पॅकिंग हाऊस येथे कार्यरत होते.त्यांचा आज बुधवारी मृत्यू झाला.दरम्यान एसीसी कंपाणीत एकच खळबळ उडाली.त्यानंतर सर्व कामगारांनी कंपनी प्रशासनाला चांगलेच धारेवर धरले. मागील काही महिन्यांपासून एसीसी कंपनीतील कामगारांना कामावरून काढणे सुरू आहे.अशातच हरिदास मोहजे यांचा हार्ट अटॅक ने मृत्यू झाला.दरम्यान आज बुधवारी एसीसी कंपनीने 10 लाखांची मदत केली.

मात्र घुग्घुस येथील एसीसी गेट समोर मृत कामगाराच्या कुटुंबीय व कामगार संघटनांनी आक्रोश व्यक्त करत मृतदेह एसीसी सिमेंट कंपनीच्या गेट समोर ठेवुन आज बुधवारी आंदोलन केले आहे, मृतकाच्या कुटुंबियांना 37 लाख रुपये नुकसानभरपाई व एकाला नोकरी देण्याची मागणी करण्यात आली आहे.