बेलोरा वर्धा नदीच्या पुरात बेलसनी गाव पाण्याखाली रेस्क्यू करुन पाण्याबाहेर गावातील नागरिकांना काढले जात आहे...

देवानंद ठाकरे (घुग्घुस प्रतिनिधि): बेलोरा वर्धा नदीच्या पुरात अक्खा गाव पाण्याखाली गेला असून बेलसनी गावातील 500 नागरिकांना चंद्रपुर पोलिसांनी रेस्क्यू करून पाण्याबाहेर काढले आहे.घुग्घुस जवळील अर्धा गाव मात्र पाण्याखाली गेल्यानं खळबळ उडाली आहे.

अप्पर वर्धा धरणाचे सर्वच दरवाजे उघडण्यात आले आहे. अशातच वर्धा नदीचे पाणी घुंग्घुस व लगतच्या गावात शिरल्याने गावकऱ्यांची मोठी तारांबळ उडाली आहे.दरम्यान चंद्रपुर बचाव पथकाने आता पर्यंत जवळपास 700 ते 800 नागरिकांना  सुखरूप पाण्याबरोबर काढले आहे.

यावेळी जिल्हा आपत्ती व्यवस्थापन विभागातील बोट चालक अशोक गर्गेलवार, मंगेश मते , वामन नक्षीने, सुजित मोगरे, अतुल चहारे, दिलीप चव्हाण, उमेश बनकर , अजित बाहे, गिरीष मरापे आदी परिश्रम घेत आहेत.