वर्धा नदी झाली ओवरफ्लो, नकोडा- मुंगोली पुलावरील वाहतूक बंद, तर धानोरा-गडचांदूर मार्ग तिसऱ्यांदा बंद, अनेक गावांचा संपर्क तुटला

देवानंद ठाकरे: वर्धा नदीला पूर आल्यानं पुराचे पाणी   ओसंडून वाहत आहे.अशातच नकोडा- मुंगोली पुलावरून पाणी वाहत असून या मार्गावरील वाहतूक बंद करण्यात आली आहे, तर धानोरा पुलावरून पाणी वाहत असून तिसऱ्यांदा हा मार्ग वाहतुकीसाठी बंद करण्यात आला आहे.तर धानोरा गडचांदूर मार्ग बंद करण्यात आल्याने अनेक गावांचा संपर्क तुटला आहे.तर अनेक शेतकऱ्यांची शेती पाण्याखाली आल्यानं मोठे नुकसान झाले आहे.

वर्धा नदीच्या पुलावरुन पाणी वाहत असल्याने पाणी पाहण्यासाठी नागरिकांची मोठी गर्दी होत आहे.त्यामुळं बंदोबस्त साठी महाराष्ट्र सुरक्षा रक्षक जवान कर्तव्य पार पाडत आहेत. वणी क्षेत्र  महाराष्ट्र सुरक्षा अधिकारी आर एस वाटगुरे, मुंगोलीचे इंचार्ज शेख जिलानी,सह दयानंद पवार सदाशिव केंद्रे, विठ्ठल सोनमकर, गणेश मोहनकर तेथे उपस्थित असून परिस्थितीवर लक्ष ठेवून आहेत.

घुग्घुस येथील बेलोरा वर्धा नदीच्या नविन पुलाचे निर्माण कार्य सुरु असून,बेलोरा वर्धा नदीच्या पिल्लर लेवलने पाणी वाहत असून वेकोलिच्या पाण्याच्या फिल्टर प्लांट असून पाण्याची टाकी बुडाली.तसेच एका एमबी घारपूरे पुणाच्या कंपनीचे नविन पुलाचे निर्माण कार्य सुरु असून दोन मशिनी पाण्याखाली बुडून कोट्यावधिचा मशिना पाण्याखाली बुडून आहे. घुग्घुस, धानोरा,मुंगोली,पुलावर बॅरिकेट्स लावून बंदोबस्त करण्यात आले,