धानोरा पूल जीर्ण असून भेगा व भगदाड पडले,वाहतूक बंद करण्यात आले

देवानंद ठाकरे (घुग्घुस प्रतिनिधि): घुग्घुस: धानोरा भोयगांव गडचांदूर मार्ग,पूल जीर्ण झाले असून ठिकठिकाणी भेगा पडल्या तर पुलावरुन सतत पाणी वाहत होते त्यामुळं पुलाला भगदाड पडले,

चंद्रपुर : तालुक्यातील धानोरा गडचांदूर पूल जीर्ण झाला असून ठिकठिकाणी भेगा पडल्या आहेत.तर पुलावरून सतत पाणी वाहत होते त्यामुळं पुलाला भगदाड पडले असून येथील वाहतूक बंद करण्यात आली आहे.दरम्यान सार्वजनिक बांधकाम विभागाने येथील डागडुजी चे काम सुरू केले असून धानोरा मार्गावर साचलेले चिखल सुद्धा मशिनद्वारे साफ करण्यात येत आहे.

पुलावरून पाणी वाहत असल्याने घुग्घुस जवळील धानोरा-गडचांदूर मार्ग रहदारीसाठी बंद करण्यात आला होता.धानोरा-गडचांदूर मार्गावर अनेक कंपन्या असून 24 तास जड वाहनांची वाहतूक सुरू असते, तसेच या मार्गावर अनेक गावं असून नागरिकांची रहदारी सुद्धा सुरू असते. अशातच मागील 8 दिवसांपासून जिल्ह्यात मुसळधार पाऊस सुरू आहे.अशातच वर्धा नदीला पूर आल्याने धानोरा- गडचांदूर मार्ग राहदरीसाठी बंद करण्यात आल.

मात्र पुराचे पाणी ओसरताच पुलावर मोठमोठ्या भेगा पडल्या, तसेच भगदाड सुद्धा पडले त्यामुळं येथून वाहतूक बंद करण्यात आली.तसेच सार्वजनिक बांधकाम विभागाने येथे आता डागडुजी चे काम सुरू केले आहे. दरम्यान वाहनांच्या लांबच लांब रांगा लागल्या आहेत.