घराची भिंती पडून वृद्ध महिला जखमी, प्रा.आ. केंद्रात उपचारासाठी भर्ती करण्यात आले.

देवानंद ठाकरे (घुग्घुस प्रतिनिधि): अंगावर घर पडून वृद्ध महिला जखमी झाल्याची घटना घुग्गुस येथे गुरुवारी घडली असून पत्रकार नौशाद शेख यांना याची माहिती मिळताच त्यांनी क्षणाचाही विलंब न करता त्यांनी जखमी महिलेला आपल्या वाहनातून रुग्णालयात उपचारासाठी दाखल केले आहे.त्यामुळं त्या वृद्ध महिलेचे प्राण वाचले आहे.

पौर्णिमा विठ्ठल असे जखमी महिलेचे नाव असून सध्या त्यांच्यावर उपचार सुरू आहे.मागील 8 दिवसांपासून चंद्रपुर जिल्ह्यात मुसळधार पाऊस सुरू आहे.अशातच घुग्गुस येथील प्रभाग क्रमांक 9 येथील वार्ड क्रमांक 1 येथे राहणाऱ्या वृद्ध महिलेचे घर पावसामुळं कोसळले.यात वृद्ध महिला जखमी झाली.याची माहिती देवानंद ठाकरे यांना मिळताच त्यांनी तात्काळ पत्रकार नौशाद शेख यांना माहिती दिली.

नौशाद शेख यांनी तात्काळ आपल्या चारचाकी वाहनात त्या वृद्ध महिलेला घेऊन शासकीय रुग्णालयात उपचारासाठी दाखल केले.त्यानंतर  भाजप चे विवेक बोढे, तलाठी कार्तिक आत्राम,परशुराम पेंदोर, यांनी त्या महिलेच्या घराची पाहणी केली.तसेच आर्थिक मदतही केली.