सतत पडत असलेल्या संततधार पावसामुळे गावातील 5 घरांचे नुकसान...

देवानंद ठाकरे (घुग्घुस प्रतिनिधि ): दिनांक 6 जुलै 2022 पासून सतत पडत असलेल्या संततधार पावसामुळे गावातील अविनाश पाझारे, शंकर सोप्पर, मोतीराम फुलझेले, शांताबाई कोडापे व कृष्णा शाह या 5 घरांचे नुकसान झाले आहे.  यात मात्र कोणतीही जीवितहानी झालेली नाही. 

संततधार पडत असलेल्या पावसामुळे जनजीवन विस्कळीत झाले आहे.  आज अचानक वर्धा नदीला पूर आल्याने नकोडा गावचा पाणी पुरवठा बंद झालेला आहे. नकोडा- मुंगोली गावाला जोडणाऱ्या पुलावरून पाणी वाहत असल्यामुळे जड वाहतुक बंद करण्यात आली आहे.

वरील पडझड घरांची पाहणी आज नकोडा गावचे सरपंच किरण बांदुरकर, उपसरपंच मंगेश राजगडकर, तलाठी आत्राम साहेब, ग्रामविकास अधिकारी भानोसे साहेब  व ग्रामपंचायत सदस्य गण यांचे समक्ष करण्यात आली व शासनाने पडझड झालेल्या घरांची नुकसान भरपाई लवकरात लवकर द्यावे अशी विनंती ग्रामस्थांकडून करण्यात आली.