अतिवृष्टीमुळे जिल्ह्यात सर्वत्र पूर सदृश्य परिस्तिथी निर्माण झाली आहे.

नौशाद शेख (प्रतिनिधि घुग्घुस): चंद्रपूर तालुक्यातील मौजा भटाळी (पा.) येथेही अतिवृष्टीमुळे गावात व शेतशिवारात पाणी घुसल्याने अनेक घरांची पडझड झाली आहे. 

लोकनेते आ. सुधीरभाऊ मुनगंटीवार यांच्या सुचनेनुसार आज याठिकाणी भेट देऊन परिस्थितीची पाहणी केली तसेच स्थानिक लोकप्रतिनिधी व वेकोलीच्या अधिकाऱ्यांकडून स्थितीची माहिती घेतली.

यावेळी परिसरात असलेल्या वेकोलीच्या खाणीमुळे अनेक समस्या उद्भवत असल्याचे स्थानिकांचे मत होते त्यासाठी वेकोलीच्या अधिकार्‍यांना तातडीने सुधारणा करण्याचे सुचविले. यासोबतच झालेल्या नुकसानीचे लवकरात लवकर पंचनामे करून नुकसान भरपाई द्यावी अशी सूचना ही संबंधितांना केली.

याप्रसंगी, भाजयुमोचे प्रदेश सचिव अनिल डोंगरे, सरपंच राकेश गौरकर, सुभाष गौरकर, उपसरपंच किसन उपरे, सचिव हर्षवर्धन उपरे तसेच वेकोलीचे अधिकारी व ग्रामस्थ बंधूभगिनी उपस्थित होते.