पोलीस निरिक्षक घुग्घुस,तसेच गडचांदूर पो,निरीक्षकांनी या ठिकाणी बॅरिकेट्स लावणे गरजेचे होते,मात्र पोलीस निरीक्षक यांच्या अक्षम्य दुर्लक्षामुळे अनुचित घटना घडु शकते?

पुलावरून पाणी वाहत असल्याने घुग्घुस जवळील धानोरा-गडचांदूर मार्ग रहदारीसाठी बंद करण्यात आला आहे.दरम्यान अनेक गावांचा संपर्क तुटला आहे. या पुलाची उंची वाढविण्यात यावी अशी मागणी नागरिकांनी केली आहे.

धानोरा-गडचांदूर मार्गावर अनेक कंपन्या असून 24 तास जड वाहनांची वाहतूक सुरू असते, तसेच या मार्गावर अनेक गावं असून नागरिकांची रहदारी सुद्धा सुरू असते. अशातच मागील 5 दिवसांपासून जिल्ह्यात मुसळधार पाऊस सुरू आहे.अशातच वर्धा नदीला पूर आल्याने धानोरा- गडचांदूर मार्ग राहदरीसाठी बंद करण्यात आला आहे. त्यामुळे वाहतूक पूर्णपणे बंद करण्यात आली असून याचा मोठा त्रास गावकऱ्यांना सहन करावा लागत आहे.

धानोरा पुलावरून वाहतूक पुर्णतः बंद करण्यात आली मात्र घुग्घुस पोलिसांनी बॅरिकेट्स लावणे गरजेचे होते.मात्र पोलीस निरीक्षक यांच्या अक्षम्य दुर्लक्षामुळे अनुचित घटना घडण्याची शक्यता नाकारता येत नाही.त्यामुळं पोलिसांनी बॅरिकेटिंग करावे व पोलिसांची तैनाती करावी अशी मागणी करण्यात आली आहे.