घुग्घुस शहरातील राजीव रतन रेल्वे फाटक मार्गावर खड्डेच खड्डे !

देवानंद ठाकरे (घुग्घुस प्रतिनिधि ): घुग्घुस शहरातील राजीव रतन रेल्वे फाटक मार्गावर रुग्णालय जवळच 39 G,गेट पासी खड्डेच खड्डे पडले असून वाहनधारकांना आपला जीव मुठीत घेऊन वाहन चालवावे लागत आहे, तसेच या मार्गावर खड्यांमुळे अनेक छोटे मोठे अपघात घडले असून याकडे मात्र संबंधित विभागाचे दुर्लक्ष होत आहे.

घुग्घुस शहरातील हा मार्ग अत्यंत वर्दळीचा असून येथून सतत जड वाहतूक होत असते. तसेच शाळकरी मूल व नागरिक येथून ये जा करत असून दुचाकी व चारचाकी वाहनधारकांना या खड्ड्यांमुळे मोठा त्रास सहन करावा लागत आहे.त्यामुळं संबंधित विभागाने याकडे लक्ष देऊन खड्डे तात्काळ बुजविण्याची मागणी नागरिकांनी केली आहे.