शाळकरी मुलांचे भविष्य धोक्यात ।। आम आदमी पार्टी घुग्घुस ची चेतावणी

देवानंद ठाकरे (घुग्घुस प्रतिनिधि): घुग्घुस नगरपरिषद हद्दीतील शिवनगर वार्ड क्रमांक 05 इथे जाणारा मुख्य मार्ग मागील दीड वर्षापासून पूर्णपणे खराब झालेला आहे.ही बाब आम आदमी पार्टी घुग्घुस च्या लक्षात येताच मागील एक वर्षापासून नगरपरिषद कार्यालय घुग्घुस व वेकोली ला वारंवार निवेदन देण्यात आले परंतु याकडे नगरपरिषद प्रशासन व वेकोलि द्वारा दुर्लक्ष करण्यात आले.याचीच दखल घेत आम आदमी पार्टी घुग्घुस शहर अध्यक्ष अमित बोरकर यांच्या नेतृत्वात 11/04/2022 पासून साखळी उपोषण करण्याचे निवेदन दिले असता नगरपरिषद मुख्याधिकारी यांच्या द्वारा लेखी स्वरूपात पत्र देण्यात आले होते व येत्या एक महिन्याच्या कालावधी मध्ये शिवनगर इथे 02 बोरिंग चे काम तर पूर्ण झाले परंतु रस्त्याची समस्या अजूनही दूर झालेली नाही.

26 जून 2022 पासून शाळा सुरू झालेल्या असल्यामुळे शिवनगर मधील मुलांकरिता येणाऱ्या स्कूल बसेस व रिक्षा येथील खराब मार्ग बघता येण्याकरीता टाळाटाळ करीत असल्यामुळे विद्यार्थ्यांना शाळेमध्ये येण्याजाण्या करीता कुठलेही पर्याय व सोयीसुविधा मिळत नाही आहे. कोरोना काळा मध्ये विद्यार्थ्यांचे नुकसान झाले आणि आता या रस्त्यामुळे शिवनगर येथील मुलांचे भविष्य धोक्यात आलेले आहे. सोबतच याच मार्गाने तेथील स्थानिक नागरिकांना आपला जीव धोक्यात घालून या रस्त्यावरून प्रवास करावा लागतो.

याची दखल घेत येत्या 15 दिवसांमध्ये रस्त्याची दुरुस्ती करण्यात आली नाही तर आम आदमी पार्टी द्वारा नगरपरिषद प्रशासन व वेकोली विरोधात तीव्र स्वरूपाचे उपोषण करण्यात येईल असे निवेदन 04/07/2022 रोजी देण्यात आले.

यावेळी आम आदमी पार्टी घुग्घुस  महिला शहर अध्यक्ष उमा तोकलवार, शहर अध्यक्ष अमित बोरकर,महिला सचिव विपश्यना धनविजय,  महिला संघटन मंत्री पुनम वर्मा, महिला उपाध्यक्ष सोनम शेख, महिला कोषाध्यक्ष अंजली नगराळे, रिना पेरपुल्ला, शामला तराला, धम्मदिणा नायडू, नईमा शेख, कविता विष्णु भक्त, शोभाताई, मीनाक्षी पाझारे, शहर उपाध्यक्ष अभिषेक सपडी, सचिव संदीप पथाडे, सह सचिव विकास खाडे, संघटन मंत्री रवी शांतलावार, सह संघटनमंत्री आशिष पाझारे, युवा अध्यक्ष प्रशांत सेनानी, करण बिऱ्हाडे, प्रफुल पाझारे, निखिल कामतवार, अनुप धनविजय, अनुप नळे, संतोष सलामे, व इतर सदस्य उपस्थित होते..