काँग्रेस पक्षातर्फे अर्ज मागविण्याची प्रक्रिया सुरु, चंद्रपूर काँग्रेस कमेटीचे (ग्रामीण) जिल्हाध्यक्ष प्रकाश देवतळे यांचे आवाहन.

घुग्घुस प्रतिनिधी:  चंद्रपूर जिल्ह्यातील मुदत संपलेल्या नगर परिषद, नगर पंचायत, पंचायत समिती व जिल्हापरिषदेच्या निवडणुकीचा कार्यक्रम लवकरच जाहीर होण्याची शक्यता आहे. सदर निवडणुकीची पुढील तयारी करण्याच्या अनुषंगाने काँग्रेसचे प्रदेशाध्यक्ष नाना पटोले यांच्या सुचनेनुसार सर्वांना कळविण्यात येत आहे की चंद्रपूर जिल्ह्यातील नगर परिषद, नगर पंचायत, पंचायत समिती व जिल्हापरिषदेच्या निवडणुकीसाठी चाचपणी करीता इच्छुक उमेदवारांचे अर्ज मागविण्यात येत आहे.

काँग्रेस पक्षाकडे इच्छुक उमेदवाराने खुला प्रवर्ग, अनु. जाती, अनु. जमाती व महिला उमेदवारांनी निवडणूक अर्जाचा नमुना व अर्जाची फी भरून काँग्रेस जिल्हाध्यक्ष (ग्रामीण) यांच्या संजय गांधी मार्केट, पीडब्लूडी ऑफिस चंद्रपूर समोरील जनसंपर्क कार्यालयातून घेण्याचे आवाहन चंद्रपूर काँग्रेस कमेटीचे (ग्रामीण) जिल्हाध्यक्ष प्रकाश देवतळे प्रसिद्धी पत्रकाद्वारे  केलेले आहे.