कोरपना नगरीतील हिंदू समाजातील मोक्षधाम कचरा डेपोच्या विळख्यात कोरपणा नगरपंचायत ने हिंदू समाजाच्या स्मशानभूमीत कचरा डेपो तयार करणारा ठराव रद्द करण्याबाबत माननीय मुख्याधिकारी साहेबांना हिंदू मुस्लिम तरुणाने निवेदन दिले

कोरपणा शहरातील कचरा व घाण कचरा विल्हेवाट लावण्यासाठी तहसीलच्या बाजूने कचरा व्यवस्थापन करण्याची जागा आहे. पण ह्या कचऱ्याचे रूपांतर कंपोस्ट खतात होत नसल्यामुळे तेथील कचरा कुंड्यात सुका कचरा आणि ओला कचरा एकत्रच टाकत असल्यामुळे व नियोजनाच्या अभावामुळे सेंद्रिय व कंपोस्ट खतात रूपांतर होत नाही. तसेच गावातील ओला कचरा आणि सुका कचरा एकत्रच जमा करून बाहेर कुणीकडेही टाकला जात होता. शेतात जाणाऱ्या घाणीमुळे अनेक शेतकऱ्यांनी तक्रारी दिल्या.

त्यानंतर हिंदू समाजातील मोक्षधाम स्मशानभूमीत कचरा डेपो चा ठराव घेतला. जोपर्यंत कचऱ्याची विल्हेवाट होणार नाही तोपर्यंत संपूर्ण कोरपणा परिसरात अशाच प्रकारे घानीचे साम्राज्य दिसेल. प्रशासनाने पुढाकार घेऊन स्मशानभूमीत येणाऱ्या जाणाऱ्या समाजातील नागरिकांना आपल्या कोरपणा शहरातील प्रतिमा कशा प्रकारे दर्शविले जाईल यांचा विचार करावा. कचरा डेपोसाठी दुसऱ्या जागेचा विचार करावा अशी भावना हिंदू समाजाच्या लोकांची झाली आहे.

त्यामुळे गावातील तरुणांनी पुढाकार घेऊन कचऱ्याच्या विळख्यातून स्मशानभूमीला मुक्त करा. स्मशानभूमीला सुशोभीकरण करण्यापेक्षा आपण आणखी घाणीच्या साम्राज्यात ढकलण्याचा प्रताप सत्ताधारी वर्गाने केला आहे. त्यासाठी हिंदू मुस्लिम समाजातील तरुणांनी माननीय मुख्याधिकारी साहेबांना निवेदन दिले आहे.