विज वितरण कार्यालयावर नकोडा वासियांचा धडक मोर्चा

नौशाद शेख (विशेष प्रतिनिधि): घुग्घुस येथून जवळच असलेल्या नकोडा गावातील विज पुरवठा वारंवार खंडीत होत असल्याने संतप्त नकोडा भाजपा पदाधिकाऱ्यांनी घुग्घुस येथील विज वितरण कार्यालयात धडक दिली. घुग्घुस येथील विज वितरण कार्यालया समोर प्रचंड नारेबाजी व घोषणाबाजी करण्यात आली व निवेदन देण्यात आले.

 सध्या पावसाळा सुरु असल्याने वादळ वाऱ्यासह पाऊस पडत आहे त्यामुळे विज पुरवठा वारंवार खंडीत होत आहे. दिवसा रात्री बत्तीगुल होत असते विजेचे उपकरण बंद होत असल्याने रात्रीदरम्यान झोप येणे कठीण झाले आहे याचा नाहकत्रास नागरिकांना सहन करावा लागत आहे. त्यामुळे नकोडा येथील संतप्त भाजपा पदाधिकाऱ्यांनी व गावकऱ्यांनी घुग्घुस येथील विज वितरण कार्यालयात धडक देत वारंवार खंडीत होणारा विज पुरवठा नियमित सुरु ठेवण्याची मागणी निवेदनातून केली आहे तसचे असाच गावाचा विज पुरवठा खंडीत होत राहिल्यास भाजपा व नकोडा गावकऱ्यातर्फे तीव्र आंदोलन करण्याचा इशारा देण्यात आला आहे.

यावेळी नकोडा सरपंच किरण बांदूरकर, भाजपा अध्यक्ष बाळकृष्ण झाडे, उपसरपंच मंगेश राजगडकर, भाजपाचे ऋषी कोवे, धानोरा उपसरपंच विजय आगरे, सोनेगाव सरपंच संजय उकीणकर, सुचिता बोबडे, रजत तुराणकर, कंपा राजय्या, राजू चांदेकर, पंढरी कोवे, महेंद्र मेश्राम, सारिका चोपने, ममता मोगरे, सविता भांदककर, संध्या उमरे, संगीता निखाडे, रंजिता तेलंग, सारिका डंभारे, आकाश काळे, प्रकाश काळे, अनिकेत गेडाम, महेश राजगडकर, जुनेद सय्यद, कबीर शेख, स्वप्नील हनुमंते व वैभव निखाडे उपस्थित होते.