घुग्गुस येथील लोयड्स मेटल्स कंपनीच्या ट्रान्सफॉर्मर ला आज शनिवारी सायंकाळी भीषण आग...

देवानंद ठाकरे (घुग्घुस प्रतिनिधि): घुग्गुस येथील लोयड्स मेटल्स कंपनीच्या ट्रान्सफॉर्मर ला आज शनिवारी सायंकाळी भीषण आग लागली असून पत्रकार व राजकीय पक्षांना आत जाण्यास कंपनीने  मज्जाव केल्यानं काही काळ तणावाचे वातावरण निर्माण झाले होते. इतकेच नव्हे तर लोयड्स मेटल्स कंपनी कडे स्वतःचे अग्निशमन गाड्या नसल्यानं ही आग अधिक भडकत गेली. त्यानंतर घुग्गुस नागरपरिषद व एसीसी कंपनीच्या अग्निशमन विभागाला पाचारण करण्यात आले.मात्र रात्री 8 वाजेपर्यंत सुद्धा हे ट्रान्सफॉर्मर जळत च होते.यात मात्र लोयड्स मेटल्स कंपनीचे लाखोंचे नुकसान झाले आहे.

शनिवारी सायंकाळी अचानक घुग्गुस येथील लोयड्स मेटल्स कंपनीच्या ट्रान्सफॉर्मर ला आग लागली. मात्र या कंपनीकडे स्वतःचे अग्निशमन वाहन नाही.हे दुर्दैवाची गोष्ट आहे.मात्र त्यानंतर घुग्गुस नागरपरिषद व एसीसी कंपनीच्या अग्निशमन विभागला पाचारण करण्यात आले.त्यानंतर ही आग आटोक्यात आली नाही. दरम्यान पत्रकार व राजकीय पक्षाच्या नेत्यांना या ठिकाणी जाण्यास मज्जाव करण्यात आला. त्यामुळं लोयड्स मेटल्स कंपनीचे पितळ उघडे पडले आहे.