खिर्डी आदिवासी सेवा सहकारी संस्थेच्या अध्यक्षपदी काँग्रेसच्या मंगला पंधरे अविरोध

कोरपना - कोरपना तालुक्यातील खिर्डी आदिवासी सेवा सहकारी संस्थेच्या अध्यक्ष व उपाध्यक्षपदाची निवडणूक आज दि. ८ ला पार पडली. अध्यक्षपदी काँग्रेसच्या मंगला पंधरे तर उपाध्यक्षपदी काँग्रेसचे रामचंद्र कुळमेथे अविरोध निवडूण आले आहे.

       चंद्रपूर जिल्हा मध्यवर्ती सहकारी बँकेचे संचालक शेखर धोटे, विजय बावणे यांच्या नेतृत्वात ही निवडणूक पार पडली. यावेळी सर्व संचालक पद्माकर मडावी, राजेंद्र मडावी, भीमा सिडाम, बापूजी सलाम, सुभाष कोडापे, कमलाकर देरकर, गुलाब जीवतोडे, उद्धव लिपटे, सुरेश राऊत, अशोक आस्कर, मंगला येरमे आदी संचालक व कार्यकर्ते उपस्थित होते.