अख्खा दिवस गेला वाघ नाही आला ... एक दिसली हरीण त्याने जीव सुखावला... _________________________

आवळगाव (०८/०६/२२)
अमरदीप लोखंडे.
      आवळगाव वासियांचे ताडोबा व्याघ्र प्रकल्प म्हणजे गावा सभोवताल असणारे तळे आणि खोलगट पानवटे. 
चंद्रपूर जिल्ह्यातील ताडोबा ला हजारो रुपये मोजून नशीबवान माणसांना वाघाचे दर्शन होते तर आवळगाव वासियांना फुकटात रोज वाघाचे दर्शन घडत असते.
या परिसरातील वाघ म्हणजे पाळीव कुत्र्या प्रमाणे झाली आहेत. कधी जंगलात जाताना बैल बंडी च्या पुढे पुढे होऊन मध्येच रस्त्यात बसतात आणि जंगलात जाणाऱ्यांची वाट अडवतात तर कधी गाई ,म्हशी शेळया यांच्या कळपाच्या सभोवताल होतात परंतु इजा मात्र करत नाही .जर एखादी गाय, मैस किंवा शेळी कळप सोडून कळपाच्या बाहेर गेली तर मात्र तिची शिकार ते अवश्य करतात.
आता हल्ली कडक उन्हाळ्याचे दिवस असल्यामुळे गावाशेजारी असलेल्या तळ्यावरती आठवड्यातून चार-पाच दिवस वाघ पाणी पिण्यासाठी येत असतात .  पाणी पिण्यासाठी येणाऱ्या वाघाला पाहण्यासाठी त्याचा अभ्यास करण्यासाठी आवळगाव येथील काही वन्य प्राणी अभ्यासक तळ्या वरती जाऊन बसून वाट पाहत असतात. परंतु त्यांना वाघाचे दर्शन होत नाही तेव्हा कधीकधी त्यांची घोर निराशा होते आणि त्या वाघा ऐवजी त्यांना अन्य वन्य प्राण्यांचे दर्शन घडत असते.
तरीपण वन्य प्राणी अभ्यासक जरी वाघ मिळाला नाही तरी इतर वन्यप्राण्यांना पाहून समाधान मानीत असतात.