उसगाव येथे गंगा दशहरा महोत्सवाचे आयोजन.

  घुग्घुस येथून जवळच असलेल्या उसगाव येथे गंगा दशहरा महोत्सवाचे आयोजन करण्यात आले आहे.   बुधवार 8 जून रोजी श्री संत काशिनाथ महाराज देवस्थान उसगाव येथून श्री संत काशिनाथ महाराजांची पालखी वर्धा नदीवर गंगास्नान करण्यासाठी नेण्यात येणार आहे नंतर भाकर काला झाल्या नंतर परत मंदिरात पालखीचे प्रस्थान होणार रात्री जागृती भजनाचा कार्यक्रम होणार आहे.

 गुरुवार 9 जून रोजी सकाळी भजन, कीर्तन व महाप्रसादाचा कार्यक्रम होणार आहे. जवळपास 100 वर्षांपासून या महोत्सवाचे आयोजन करण्यात येत आहे. श्री संत काशिनाथ महाराज यांचे मुळ गाव चिमूर आहे नंतर ते उसगाव येथे स्थायीक झाले व याचा ठिकाणी समाधी घेतली त्यानंतर गावकऱ्यांनी महाराजांचे मंदीर बनविले.

  दरवर्षी याठिकाणी कार्यक्रमाचे आयोजन करण्यात येत होते मात्र कोरोना काळात दोन वर्ष कार्यक्रम घेण्यात आला नाही. या महोत्सवाला नागपूर, यवतमाळ, चिमूर अश्या अनेक शहरातून मोठया संख्येत भाविक येतात.

  कार्यक्रमास मोठया संख्येत भाविकांनी उपस्थित राहण्याचे आवाहन देवस्थान कमेटीचे अध्यक्ष पांडुरंग वासेकर, सचिव नामदेव ठाकरे, सहसचिव केशव काळे, कोषाध्यक्ष बाळकृष्ण ठाकरे यांनी केले आहे.