ट्रकच्या धडकेत महिला पोलीस ठार

राजुरा : बल्लारपूर पोलीस ठाण्यात कार्यरत महिला पोलिस मोनल मेश्राम या कर्तव्य बजावून दुचाकीने राजुरा येत असताना तहसील कार्यल्यासमोरील वळणावर मागुन येणाऱ्या आयशर वाहनाने धडक दिल्याने त्यांचा जागीच मृत्यू झाल्याची दुर्दैवी घटना सायंकाळी 6:40 वाजताच्या सुमारास घडली.

प्राप्त माहितीनुसार महिला पोलिस मोनल ह्या आपले कर्तव्य बजावून MH34AT 1877 क्रमांकाच्या मायस्ट्रो दुचाकीने बल्लारपूर येथुन राजुरा येथे आपल्या राहत्या घरी परत येत असताना मागुन येणाऱ्या MH29BE4158 क्रमांकाच्या आयशर ट्रक ने धडक दिली. धडक बसताच त्याचा मायस्ट्रो दुचाकीवरील ताबा सुटल्याने त्या खाली कोसळल्या व डोक्याला जबर मार लागल्याने त्यांचा जागीच मृत्यू झाला. त्यांच्या पश्चात महावितरण विभागात कार्यरत पती विलास बनकर व दोन लहान मुले आहेत समोरील तपास राजुरा पोलीस करीत आहे.