घुग्घुस शहरातील नागरिकांना नझुलच्या जमिनीचे पट्टे द्या.

घुग्घुस शहरातील नागरिकांना नझुलच्या जमिनीचे पट्टे द्या अशी मागणी करण्यात आली असून तसे निवेदन नागरिकांच्या वतीने घुग्गुस नगरपरिषदेच्या मुख्याधिकारी आर्शिया जुही यांना देण्यात आले आहे.

शहरातील अमराई वार्ड क्रमांक 1, उडिया मोहल्ला,तिलक नगर,बेघर परिसरात मागील अनेक वर्षांपासून नागरिक येथे राहत आहेत.मात्र त्यांची ही घरे नझुलच्या जागेवर बांधून आहेत.तसेच मागील अनेक वर्षांपासून येथील नागरिक घराचे टॅक्स सुद्धा नियमित भरत आहेत.त्यामुळं येथील नागरिकांना घराचे स्थायी पट्टे देण्यात यावे अशी मागणी आज मुख्याधिकारी यांना भेटून करण्यात आली आहे. यावेळी महेंद्र कीर्तन बाग, उषा आगदारी,कांता बाग, वनिता निहाल यांच्यासह परिसरातील अनेक नागरिकांची उपस्थिती होती.