घुग्घुस येथे 250 ते 300ब्रास अवैध रेतीसाठा जप्त केलेला तलाठी कार्यालयात जमा.

येथील वर्धा नदीच्या चिचोली रेती घाटाजवळ 250,ते 300 ब्रास अवैध रेतीसाठा जप्त करण्यात आला होता. ही कारवाई महसूल विभागाने केली. घुग्घुस येथून जवळच असलेल्या वर्धा नदीच्या चिचोली रेतीघाटाच्या रस्त्याजवळ  अवैध रित्या रेतीसाठा ठेवलेला होता. याबाबत कळताच महसूल विभागाने धाड टाकून हा रेतीसाठा जप्त केला. त्यामुळे घुग्घुस परिसरातील अवैध रेती तस्करांमध्ये एकच खळबळ उडाली.

मागील दोन तिन महिन्यापासून चिचोली रेती घाटाच्या व इतर ठिकाणच्या अवैध रित्या ठेवलेला रेती साठा जप्त केलेला हायवा ट्रकने तलाठी कार्यालयात जमा करण्यात येत आहे अशी माहिती तहसीलदार निलेश गौड यांनी दिली आहे.
मागील एप्रिल महिन्यात शेकडो ब्रास अवैध रेती साठा चिचोली रेती घाटाच्या रस्त्याजवळ महसूल विभागाने धाड टाकून जप्त केला होता. मागील जवळपास चार वर्षांपासून घुग्घुस परिसरातील रेतीघाटांचा लिलाव झालेला नाही. त्यामुळे परिसरातील अवैध रेती तस्करांनी ट्रॅक्टर ट्रालीने रेती तस्करी करणे सुरु केले. दिवसरात्र अवैध रेती तस्करी करून अनेक ठिकाणी  रेतीचे अवैध साठे रेती तस्करांनी तयार करून ठेवले आहेत.