रोडवर पाणी मारण्याच्या कारणावरून घुग्घुस येथील वेकोलीच्या कर्मचाऱ्याने शालीकरांम वार्डातील नागरिकाला मारहाण.

रोडवर पाणी मारण्याच्या कारणावरून घुग्घुस येथील वेकोलीच्या कर्मचाऱ्याने शालीकरांम वार्डातील नागरिकाला मारहाण केली असून तेथिलच महिलेला डोझर खाली चिरडून जीवे मारण्याची धमकी आली आहे. त्यानंतर वार्डवासीयांनी घुग्घुस पोलिसात तक्रार दाखल केली असून पोलिसांनी गुन्हा दाखल केला असून तपास सुरू केला आहे. प्रभाकर शंकर पाटील असे आरोपीचे नाव आहे.

घुग्गुस शहरातील शालीकरांम वार्ड हा रेल्वे सायडिंग ला लागून असल्यानं रस्त्यावर मोठ्या प्रमाणात धूळ पडलेली असते.त्यामुळं या रस्त्यावर नियमित पाणी मारावे असे येथील नागरिक दिनेश वर्मा यांनी वेकोलीचे कर्मचारी प्रभाकर पाटील यांना सांगितले.मात्र आरोपी प्रभाकर पाटील याने दिनेश वर्मा या नागरिकाला शिवीगाळ करत मारहाण केली.तसेच त्यांची पत्नी भांडण सोडवायला गेली असता त्यांना सुद्धा धक्काबुक्की केली.तसेच डोझर खाली चिरडून जीवे मारण्याची धमकी दिली.

त्यानंतर परिसरातील नागरिकांनी याची तक्रार घुग्घुस पोलिसात केली असून पोलिसांनी आरोपी प्रभाकर पाटील याच्यावर गुन्हा दाखल केला असून पूढील तपास सुरू केला आहे.