अज्ञात वाहनाच्या धडकेत दुचाकीस्वाराचा जागीच मृत्यू झाल्याची घटना.

अज्ञात वाहनाच्या धडकेत दुचाकीस्वाराचा जागीच मृत्यू झाल्याची घटना साखरवाही येथे घडली आहे. अनिल मल्हारी फुलझेले असे मृतकाचे नाव असून तो वरोरा येथील रहिवासी आहे. या घटनेची माहिती पडोली पोलिसांना मिळताच पोलिसांनी घटनास्थळी धाव घेतली व मृतदेह शव विच्छेदन साठी जिल्हा सामान्य रुग्णालयात पाठविले असून तपास सुरू केला आहे.

मिळालेल्या माहितीनुसार अनिल फुलझेले हे आपल्या दुचाकीने काही कामानिमित्त घुग्गुसकडे जात होता अशातच मंगळवारी सकाळच्या सुमारास साखरवाही येथील जनता शाळेजवळ अज्ञात वाहनाने त्यांच्या दुचाकीला जोरदार धडक दिली.यात अनिल यांचा जागीच मृत्यू झाला.पडोली पोलीस अज्ञात वाहनाचा शोध घेत असून पुढील तपास सुरू केला आहे.