अग्नितांडव..! बल्लारपूर पेपर मिलच्या बांबु डेपोला भिषण आग

पेट्रोल पंप ही पेटला आले स्फोटांचे आवाज?कोट्यवधींचे नुकसान झाल्याचा प्राथमिक अंदाज

===========================

*पेट्रोल पंप ही पेटला आले स्फोटांचे आवाज?*
===========================

*4 तासापासून आगीवर नियंत्रण नाही*
===========================

*कोट्यवधींचे नुकसान झाल्याचा प्राथमिक अंदाज*
===========================

भारतातील सर्वात मोठा असलेल्या बल्लारपूर पेपर मिल (बिल्ट) च्या कळमना येथील बांबु डेपोला दुपारी 4 वाजताच्या सुमारास आग लागली असुन ह्या आगीने रौद्ररूप धारण केले आहे. 3 दिवसांपूर्वी मुल तालुक्यातील अजयपुर येथे लाकडांचा ट्रक व डिझेल टँकर च्या अपघातात लागलेल्या आगीत 9 जणांचा होरपळून मृत्यू झाल्याची घटना ताजी असतानाच आज पेपर मिलच्या बांबु डेपोला आग लागण्याची घटना घडल्याने खळबळ उडाली आहे.

प्राप्त माहितीनुसार दुपारी 4 च्या सुमारास बांबु डेपोला आग लागली व काही कळण्याच्या आत ही आज पसरू लागली. आज लागल्याचे लक्षात येताच बल्लारपूर, राजुरा, चंद्रपूर तसेच काही उद्योगांच्या अग्निशमन दलाला पाचारण करण्यात आले मात्र आग इतकी पसरली की अग्निशमन दलाला आग आटोक्यात आणणे जिकरीचे ठरत आहे.

नुकत्याच प्राप्त झालेल्या माहितीनुसार बांबु डेपोला लागलेली आग आजूबाजूला पसरली असुन बांबु डेपोच्या काही अंतरावर असलेल्या पेट्रोल पंपाला सुद्धा ह्या आगीने आपल्या विळख्यात घेतले असुन पेट्रोल पंप सुद्धा आगीच्या भक्ष्यस्थानी पडला असुन पेट्रोल पंपावर स्फोट झाल्याचे सूत्रांनी कळविले असुन चांदा ब्लास्टला कळले असुन ह्याची खातरजमा प्रशासनाने अजुनही केलेली नाही हे विशेष.

ह्या आगीमुळे रस्त्याच्या दोन्ही बाजूंना वाहनांच्या लांबच लांब रांगा लागल्या असुन आग अजुनही आटोक्यात आली नसल्याने आगीचे तांडव सुरू असल्याचे चित्र दिसत आहे. ज्या आगीत कोट्यवधींचे नुकसान झाल्याचा प्राथमिक अंदाज असुन आग आटोक्यात आल्यानंतरच नुकसानीचा खरी माहिती प्राप्त होऊ शकेल.