माढेळी ते नागरी रोडच्या खड्ड्यामुळे नागरिक त्रस्त...

होमेश वरभे (वरोरा प्रतिनिधी) :- तालुक्यातील माढेळी ते नागरी रोडवर फार मोठ्या प्रमाणामध्ये खड्डे पडले आहे. या रस्त्याने वाहतूक करणे खूप कठीण झाले आहे. एखादा रुग्ण असला तर त्याला रस्त्याने नेताना त्याचा जीव जाइल अशी अवस्था झाली आहे. मागच्या वर्षी जड वजनाच्या ट्रक वाहतुकीने या भागातील नागरिक त्रस्त झाले होते. याकरिता जाणप्रक्षोभ तयार झाला होता. परंतु वरोरा तालुक्यातील लोकप्रतिनिधींचे याकडे दुर्लक्षच होते आणी आजही आहेच. रस्त्याची अवस्था एवढी दयनीय झाली आहे की, खड्डे पडल्याने रस्त्याने चालणे सुद्धा कठीण झाले आहे त्यामुळे नागरिकांना अनेक समस्येला तोंड द्यावे लागत आहे..

नागरिकांच्या समाधानाकरिता एक वर्षानंतर तात्पुरती डागडुजी करून रस्ते तात्परते मुरूम, गिट्टी भरून गड्डे बुजवण्यात आले होते परंतु 4 चार दिवसामध्येच सर्व खड्डे उकारल्या जाऊन पुन्हा जसेच्या तसे खड्डे पडायला लागले. जसे लोकप्रतिनिधी मत मागायला फिरतात तसे जर जनतेच्या समस्या कडे लक्ष दिले पाहिजे असे त्रस्त झालेल्या नागरिकांचे म्हणणे आहे..निवडणुकीत जनतेला मताची भीक मागणाऱ्या लोकप्रतिनिधींनी याकडे आवर्जून विशेष लक्ष देऊन जनतेची समस्या दूर करावी असे आरोप नागरिकांकडून होत आहे. आणि माढेळी ते नागरी रोड त्वरित तयार करण्यात यावा ही अपेक्षा सर्व नागरिकांची आहे..