आयपीएल क्रिकेट मॅच वर सट्टा लावणाऱ्या 9 आरोपींना अटक

नौशाद शेख (विशेष प्रतिनिधि): आयपीएल क्रिकेट मॅच वर सट्टा लावणाऱ्या 9 आरोपींना उपविभागीय पोलीस अधिकारी आयुष नोपाणी यांनी अटक केली असून शुक्रवारी रात्री घुग्गुस शहरात ही कारवाई करण्यात आली आहे.विशेष म्हणजे घुग्गुस पोलीस ठाण्याच्या हाकेच्या अंतरावर हा सट्टा लावल्या जात असून स्थानिक घुग्गुस पोलिसांना याची माहिती नाही का?असा प्रश्न आता उपस्थित होत आहे.

उपविभागीय पोलीस अधिकारी आयुष नोपाणी हे पडोली घुग्गुस परिसरात पेट्रोलिंग करत होते.अशातच घुग्गुस शहरातील लोयड्स मेटल्स परिसरातील एका घरात आयपीएल मॅच वर सट्टा लावल्या जात असल्याची गोपनीय माहिती मिळाली.त्यांनी याची माहिती अप्पर पोलीस अधीक्षक अतुल कुलकर्णी यांना दिली.त्यानंतर अधिक पोलीस कर्मचाऱ्यांना सोबत घेऊन त्यांनी घरात धाड टाकली.

आत प्रवेश करताच 9 इसम हे आयपीएल वर सट्टा लावत असल्याचे आढळून आले.पोलिसांनी 2 चारचाकी वाहन,मोबाईल, पैसे असा मुद्देमाल जप्त केला असून 9 आरोपींना अटक करण्यात आली आहे.पुढील तपास पोलीस करत आहेत.