भंगार चोरांचा पत्रकारावर जीवघेणा हल्ला.

19 मे रोजी सायंकाळी 5:15 वाजता नकोडा जिओसी खदान येथे पत्रकार नौशाद शेख रा. घुग्घुस यांच्यावर भंगार चोरांनी जीवघेणा हल्ला केला. सायंकाळी 5:15 वाजता पत्रकार नौशाद शेख यांना नकोडा जिओसी खदान येथे काही भंगार चोर वेकोलीच्या खदानित बंद पडलेले मशीन गॅस कटरने कापून नेत आहे अशी बातमी मिळाली बातमी गोळा करण्यासाठी पत्रकार नौशाद शेख तिथे गेले व मोबाईलने विडिओ काढत असतांना आरोपी नौशाद कुरेशी व कौसर अली दोघेही रा. बँक ऑफ इंडिया मागे घुग्घुस तिथे आले व तू कशाला विडिओ काढत आहे असे म्हणून त्यांच्या मोबाईल फेकून दिला व शिवीगाळ करून हाताबुक्क्याने मारहाण केली व चाकूने जीवे मारण्याची धमकी दिली.

त्यामुळे पत्रकार नौशाद शेख यांनी वेकोलीच्या वरिष्ठ अधिकारी यांना चोरीची माहिती दिली माहिती मिळताच वेकोलीचे सुरक्षा रक्षक त्याठिकाणी आले त्यांना पाहून आरोपी नौशाद कुरेशी व कौसर अली हे दुचाकीने तिथून पळून गेले. वेकोली सुरक्षा रक्षक व पत्रकार नौशाद शेख यांनी पोलीस स्टेशन येथे येऊन तक्रार दिली पोलिसांनी आरोपी विरुद्ध कलम 323,504,506 गुन्हा दाखल केला. बातमी लिहेपर्यंत आरोपीना अटक करण्यात आली नाही. आरोपीना अटक करण्यात यावी अशी मागणी पत्रकार बांधव व नागरिक करीत आहे. पत्रकार सुरक्षित नाही आहे तर सामान्य नागरिक सुरक्षित कसे राहणार असा प्रश्न उपस्थित केला जात आहे ?. आरोपी भंगार चोरावर अनेक गुन्हे दाखल आहे भंगार चोरी, कोळसा तस्करी भद्रावती, गडचांदूर, पडोली, शिरपूर, घुग्घुस वर्धा जिल्हा अश्या पोलीस स्टेशन मध्ये गुन्हे दाखल आहे. यापूर्वी आरोपीनी शालिवाना कंपनीत डीपी फोडून कापर तांबा लाखो रुपयाचा चोरून नेला ओम टी कंपनी तडाळी येथे डीपी फोडून तांबा चोरून नेला नकोडा पाणी टाकीचे लोखंड चोरून नेले गुप्ता पॉवर प्लांट असे बंद पडलेले कंपनीत चोरी केली. पत्रकारावर हल्ला केल्याने याचा कायदा व सुव्यवस्थाचा प्रश्न निर्माण झाला आहे त्यामुळे अश्या भंगार चोरांना गावातून तडीपार करावे अशी मागणी केल्या जात आहे.