ट्रकच्या धडकेत बैल जखमी बबन उरकुडे यांच्या मध्यस्थीने बैलमालकाला चाळीस हजार रुपयाची मदत*

राजुरा : श्रीकृष्ण गोरे 
गोवरी येथील शेतकरी सुधाकर परसूटकर यांनी आपला बैल शनिवार बाजार राजुरा येथे विक्रीकरिता आणत असताना रामपूर जवळ सकाळी नऊ वाजता जे के ट्रान्सपोर्टच्या MH34-M8140 ने जोरदार धडक दिली. या घटनेत बैल बेकामी झाले असून पूर्णपणे अपंग झालेला आहे. या घटनेची माहिती मिळताच नागरिक व बबन उरकुडे घटनास्थळी पोहचून बैल मालकाला नुकसान भरपाईची मागणी करीत कोळसा वाहतूक बंद केली होती.

राजुरा-रामपूर-गोवरी हा मार्ग जडवाहतुकीसाठी नसूनसुद्धा या रस्त्यावरून होणाऱ्या कोळसा वाहतुकीमुळे अपघाताचे प्रमाण दिवसागणिक वाढत चालले आहे. सतत या मार्गावर अपघाताच्या घटना घडत आहे, यामुळे कोळसा वाहतूक करण्यासाठी वेकोलीने दुसरा मार्ग तयार करण्याची मागणी नागरिक करीत आहे.

घटनास्थळी काही वेळ तणावाचे वातावरणात तयार झाले होते, पोलीस घटनास्थळी पोहचून शिवसेना विधानसभा समन्वयक बबन उरकुडे व उपस्थित यांच्या मध्यस्थीने ट्रान्सपोर्टमालकाशी संपर्क करून पीडित शेतकऱ्याला 40000 रुपयाची रोख मदत मिळवून दिली.

याप्रसंगी शिवसेना उपतालुका प्रमुख रमेश झाडे, युवासेना तालुकाप्रमुख बंटी मालेकर, विनोद परसूटकर आणि गावातील नागरिक उपस्थित होते.