*प्राथमिक आरोग्य केंद्र जिवती येथील घटना* *प्रयोगशाळा तंत्रज्ञ अजय खोब्रागडे याचा महीला रुग्णांशी अभद्र भाषेचा वापर*

( सय्यद शब्बीर जागीरदार )
जिवती:- तालुक्यातील प्राथमिक आरोग्य केंद्र जिवती हे सध्या नुकतेच वादाच्या भोऱ्यातून बाहेर पडते न पडते अजुन एका प्रकरणात वादाच्या भोवऱ्यात सापडले आहे.सरकारी दवाखाना म्हटले की गोर गरीब जनतेला मोफत उपचार मिळावा म्हणून आशा असते म्हणून ते सरकारी दवाखाना कडे जातात.मात्र सरकारी दवाखान्यात रक्त तपासणी विभागात कार्यरत असलेले अजय खोब्रागडे हे अशिक्षित गरीब महिला रुग्णांना लघवी तपासणी करीता गेल्यानंतर त्यांना खालच्या भाषेत बोलतो.एका महिलेला त्यांनी "भांड भरून" लघवी आणण्यासाठी सांगितले.त्यांनी लघवी आणण्यासाठी कोणतेही साधन दिलं नाही.त्या महिलेने बाहेरून एक बॉटल शोधून लघवी आणल्या नंतर त्या महिलेला हा खोब्रागडे म्हणालं  या बाटली मध्ये "माझ्यासाठी चहा आणलीस का?" असे बोलून लज्जित केले. मी तुझ्या बापाचा नोकर नाही.अशा पद्धतीने बोलून त्याने महिलेला दवाखाण्यातून पाठवले सदर महिलेने घरी ही बातमी सांगितल्यावर तालुका पत्रकार संघाचे पदाधिकारी सरकारी दवाखान्यात जाऊन मेडिकल अधिकाऱ्यांशी चर्चा केली असता खोब्रागडे यांना जाब विचारला असता त्यांनी माझी चूक झाल्याचे कबूल केले.शिवाय त्या महिलेची माफी मागितली.मेडिकल अधिकारी यांनी लेखी स्वरूपात तक्रार द्या मी त्यांच्यावर कार्यवाही करतो असे सांगितले.आणि असे वागणे चुकीचे आहे असे होऊ नये यासाठी मी प्रयत्न करण्याचे आश्वासन दिले .यावेळी तालुका पत्रकार संघाचे अध्यक्ष तथा शेतकरी संघटनेचे तालुकाध्यक्ष सय्यद शब्बीर जागीरदार, जय विदर्भ पार्टीचे नेते सुदाम राठोड, शेतकरी संघटनेचे तालुकाउपाध्क्ष विनोद पवार,शेख हकानी तालुका अध्यक्ष, मनसे,रुग्णसेवक जिवन तोगरे,शायर संभाजी ढगे, संदिप कांबळे सामाजिक कार्यकर्ते, पत्रकार प्रशांत मोरे आदी उपस्थित होते.