दुचाकीची दुचाकीला समोरासमोर धडक , माथा फाटा येथील घटना ; एक ठार ; दोन जखमी

कोरपना - दुचाकीने दुचाकीला दिलेल्या धडकेत एक ठार तर दोघेजण गंभीर जखमी झाल्याची घटना मंगळवार दिनांक १० ला दुपारी चार वाजता च्या सुमारास कोरपना - गडचांदूर मार्गावरील माथा फाटा जवळ घडली.
पुरुषोत्तम घनश्याम मुसळे (३४) रा. कळमना तालुका वणी असे मृतकाचे नाव आहे. ते कोरपना कडे येत असताना गडचांदूर कडे जाणाऱ्या दुचाकीने त्यांच्या दुचाकीला जबर ठोस दिली. यात त्याचा जागीच मृत्यू झाला. तर दुसऱ्या दुचाकीवरील सोहेल शेख (१८) , उमेश पेंदोर (१८) रा. हातलोणी हे गंभीर जखमी झाले. त्यांना कोरपना पोलिसांनी ग्रामीण रुग्णालय कोरपना येथे दाखल केले. मात्र जखमी ची अवस्था अतिशय गंभीर असल्याने त्यांना चंद्रपूर येथे रफर करण्यात आले आहे. घटनेचा पुढील तपास कोरपना पोलीस करित आहे