पार्किंग, सिग्नल, स्ट्रीट लाईट, सिसिटीवी कैमेरे लावण्यासाठी पुर्व माजी सैनिकाचे आमरण उपोषण सुरु

पडोली चौकात पार्किंग, सिग्नल, स्ट्रीट लाईट व सिसिटीवी लावण्यासाठी पुर्व माजी सैनिक मनोज ठेंगणे यांनी आमरण उपोषण सुरु केले आहे.
दिनांक 3 मे पासून पडोली चौकात आमरण उपोषण सुरु करण्यात आले असून तीन दिवसापासून उपोषण सुरु आहे.

 पडोली चौकात सिग्नल नसल्याने अपघात होत आहे. हायवे रस्त्यावरचे स्ट्रीट लाईट बंद आहे व पार्किंगची व्यवस्था नाही आहे ही सुविधा उपलब्ध करणे तसेच पडोली ते कोसारा गावा पर्यंत सिसिटीवी कॅमेरे लावण्यासाठी माजी सैनिक मनोज ठेंगणे यांनी 3 मे पासून आमरण उपोषण सुरु केले आहे.

 पडोली चौकातून पडोली ते करंजी हायवे क्र 7 जातो व चंद्रपूर नागपूर हायवे जातो 24 तास बाहेर राज्यातील येणारी जडवाहतूकची दिवस रात्र वर्दळ सुरु असते आता पर्यंत अनेक अपघात घडले आहे आता पर्यंत प्रशासनाने पडोली चौकात सिग्नल नाही लावले व स्ट्रीट लाईट बंद आहे तसेच सिसिटीवी कॅमेरा सुद्धा बंद आहे. नागपूर येथे जाणाऱ्या प्रवासीयांना बसण्यासाठी जागा नाही व पार्किंगचा अभाव आहे. पडोली चौकात बँक ऑफ महाराष्ट्र, स्टेट बँक, खाजगी बँक, कॉलेज, शाळा, व व्यापारी प्रतिष्ठान कार्यालय आहे त्यामुळे मोठया प्रमाणात ये जा सुरु असते एमआयडीसी, तडाळी, चंद्रपूर एमआयडीसी परिसरसतील अनेक कामगार व मजूर यांचे ये जा सुरु असते त्यामुळे या चौकात सिग्नलची अत्यंत आवश्यकता आहे परंतु प्रशासनाने सिग्नल लावले नाही लवकरात लवकर प्रशासनाने या चौकात सिग्नल लावावे या मागणी साठी पुर्व माजी सैनिक मनोज ठेंगणे यांनी 3 मे पासून पडोली चौकात आमरण उपोषण सुरु केले आहे. उपोषण मंडपात मनोज ठेंगणे, विनोद खडसे, विक्की लाडसे, विक्की रेंगटीवार, शशिकांत पिसे, मोनू ठाकूर, दिनेश इंगे, अब्बास मोहम्मद, सुरज मेघवानी, राकेश बोरीकर, बादल कडुकर बसले होते.