चंद्रपुर तालुक्यातील घुग्गुस येथील लोयड्स मेटल्सच्या विस्तारीकरणाबाबत उद्या 6 जनसुनावणी

चंद्रपुर तालुक्यातील घुग्गुस येथील लोयड्स मेटल्सच्या विस्तारीकरणाबाबत उद्या 6 मे ला जनसुनावणी होणार असून प्रदूषणाचा मुद्दा चांगलाच तापणार आहे.घुग्गुस शहराच्या मध्यभागी लोयड्स मेटल अँड एनर्जी कंपनी आहे.या कंपनीतून स्पंज आयर्न चे उत्पादन घेतले जात असून प्रदूषणामुळे घुग्गुस शहर व परिसरातील गावं प्रदूषणाच्या विळख्यात सापडले आहेत.

अशा परिस्थितीत या कंपनीच्या विस्तारीकरणासाठी हालचाली सुरू झाल्या असून उद्या 6 मे रोजी जनसुनावणी होणार आहे.मात्र या जनसुनावणी मध्ये प्रदूषणाच्या मुद्द्यावरून गोंधळ उडणार असून कंपनीच्या विस्तारीकरणासाठी विरोध दर्शविला जाणार असल्याची माहिती सामाजिक कार्यकर्ते ईबादुल सिद्धीकी यांनी दिली आहे.