राजीव रतन केंद्रीय रुग्णालयात तात्काळ मशीन उपलब्ध करुन देणे, अशी मागणी नागरिकांतर्फे व सामाजिक कार्यकर्ते ईबादूल हसन सिद्दिकी यांनी केली…

देवानंद ठाकरे (घुग्घुस प्रतिनिधि): घुग्गुस येथील वेकोलीच्या राजीव रतन केंद्रीय रुग्णालयात सोनोग्राफी, आयसीयू,व्हेंटिलेटर,सिटीस्कॅन, एमआर आय मशीन उपलब्ध नसल्याने परिसरातील वेकोली अधिकारी व कर्मचाऱ्यांची गैरसोय होत असून या रुग्णालयात तात्काळ मशीन उपलब्ध करून घ्या अशी मागणी घुगुस येथील सामाजिक कार्यकर्ते ईबादुल सिद्धीकी यांनी केली आहे. तसे निवेदन मुख्यमंत्री तसेच वेकोली च्या सिएमडी याना देण्यात आले आहे.

घुग्गुस शहरात वेकोलीच्या अधिकारी व कर्मचारी यांच्यासह त्यांच्या कुटुंबातील नागरिकांना आरोग्याच्या दृष्टीने उत्तम सेवा मिळावी म्हणून राजीव रतन केंद्रीय रुग्णालयाची स्थापना करण्यात आली.मात्र या रुग्णालयात अनेक सोयीसुविधे चा अभाव असल्यानं रुग्णांची हेळसांड होत आहे. या रुग्णालयात औषधी उपलब्ध राहत नसल्यानं रुग्णांना बाहेरून औषधी खरेदी करावी लागत आहे.

यासोबतच या रुग्णालयात सोनोग्राफी, आयसीयू,व्हेंटिलेटर, सिटीस्कॅन, एमआर आय मशीन उपलब्ध नसल्याने परिसरातील वेकोली अधिकारी व कर्मचाऱ्यांची गैरसोय होत आहे.तसेच येथील डॉक्टर चंद्रपूर किंवा नागपूर येथील रुग्णालयात रुग्णांना रेफर करत आहेत.त्यामुळं रुग्णांना मोठा त्रास सहन करावा लागत असून आर्थिक फटका सुद्धा बसत आहे.

त्यामुळं या रुग्णालयात सोनोग्राफी, आयसीयू,व्हेंटिलेटर,सिटीस्कॅन, एमआर आय मशीन उपलब्ध करून द्या अशी मागणी सामाजिक कार्यकर्ते ईबादुल सिद्धीकी यांनी केली आहे.तसे निवेदन मुख्यमंत्री तसेच वेकोली च्या सिएमडी याना देण्यात आले आहे