रमजान ईद च्या पार्श्वभूमीवर वेकोलीच्या सुरक्षा रक्षक ( 83) रक्षकांनी एमएसएफ, व घुग्गुस पोलिसांनी आज सोमवारी शहरातून काढला रूटमार्च...!

देवानंद ठाकरे (घुग्घुस प्रतिनिधि): रमजान ईद च्या पार्श्वभूमीवर वेकोलीच्या सुरक्षा रक्षक ( 83) रक्षकांनी एमएसएफ, व घुग्गुस पोलिसांनी आज सोमवारी शहरातून  रूटमार्च काढला आहे.गांधी चौक,बहादे प्लॉट,शालीकरांम नगर,गांधी नगर,सुभाष नगर,नकोडा होत हा रूट मार्च घुग्गुस पोलीस ठाण्यात पोहोचला, यावेळी पोलीस निरीक्षक बबन पुसाटे यांच्या सह पोलीस अधिकारी व कर्मचारी सहभागी झाले होते.यावेळी कायदा व सुव्यवस्था अबाधित राखण्याचे आवाहन करण्यात आले आहे.

जिल्ह्यात राजकीय पक्ष, कामगार संघटनांचे आंदोलन, जातीय सामाजिक संघटनांकडून करण्यात येणारे आंदोलन, निदर्शने, मोर्चा, अतिमहत्वाचे व्यक्तीचा दौरा तसेच 3 मे रोजी रमजान ईद हा सण असल्यामुळे त्यानिमित्याने विविध कार्यक्रम, आंदोलने, निदर्शने  व  यात्रा  कार्यक्रमामुळे  कायदा  व  सुव्यवस्था अबाधित राखण्याच्या दृष्टीने चंद्रपूर जिल्ह्यात 1 मे ते 15 मे 2022 चे रात्री 12 वाजेपर्यंत महाराष्ट्र पोलीस अधिनियम 1951 चे कलम 37 (1) व (3) लागू करण्यात येत आहे. असे आदेश प्रभारी जिल्हाधिकारी तथा जिल्हा दंडाधिकारी  विद्युत वरखेडकर यांनी निर्गमित केले आहे.

या कालावधीत कायदा व सुव्यवस्था अबाधित राखण्याच्या दृष्टीने  विवक्षित कृतींना मनाई करणे व अव्यवस्थेला प्रतिबंधात्मक उपाय करणे आवश्यक आहे. असे प्रभारी जिल्हाधिकारी तथा जिल्हा दंडाधिकारी विद्युत वरखेडकर यांनी निर्गमित केलेल्या आदेशात नमूद आहे.
दरम्यान सोमवारी रमजान ईद च्या पार्श्वभूमीवर घुग्गुस पोलिसांनी शहरातून  रूटमार्च काढला आहे.