युवकांनी दाखविली प्रामाणिकपना, १७ हजार ५०० रुपयांची सापडलेली रक्कम केली परत.

युवकांवर कौतुकाचा वर्षाव.

आवाळपूर :- अल्ट्राटेक सिमेंट कंपनीच्या वसाहतीत घरघुती गॅस  सिलेंडर इजेंसी असल्याने नांदा येथील दोन युवक गॅस भरण्यास गेले असता त्यांना रस्त्यावरती प्लास्टिक मध्ये रोकड दिसून आली. त्यांनी रक्कम परत करून एक प्रामाणिक पनाचा आदर्श दाखवून दिला.

सविस्तर वृत्त असे की, नांदा येथील गौरव बंडू वरारकर व योगेश बंडू नांदेकर,हे दोघेही अल्ट्राटेक सिमेंट कंपनीच्या वसाहतीत असलेल्या गॅस सिलेंडरच्या गोडाऊन कडे जात असतांना यांना प्लास्टिक मध्ये असलेली १७ हजार ५०० रुपयांची रक्कम रस्त्याच्या बाजूला पडलेली आढळली.

युवकांनी क्षणाचा विलंब न करता रस्त्याच्या कडेला पोस्ट ऑफिस लागून असल्याने तेथील कुणाचे तरी रक्कम पडली असावी असा त्यांना अंदाज आला. याची माहिती पोस्ट ऑफिस मॅनेजर यांना दिली. आणि त्यांनी ही रक्कम ज्याची असेल त्यांना द्या अशी विनंती करत त्यांनी ती रक्कम मॅनेजर यांचा कडे सुपूर्त केली.

गावातीलच शकर निवलकर यांचे पैसे असल्याने ते शोधत पोस्ट ऑफिस जवळ गेले तिथे जाऊन मॅनेजर ला विचारणा केली मॅनेजर ने सुध्दा खात्री करूनच त्यांचे पैसे परत केले.

गौरव हा इंजिनीरिंग करत आहे तर योगेश यांनी १२वी ची परीक्षा दिली आहे. विशेष म्हणजे योगेश यांच्या वडीलाचे नुकतेच निधन झाले त्यामुळे पैशाची चणचण आहेच तरी देखील लालसा न बाळगता ज्याचे पैसे त्याला मिळावे या हेतूने प्रामाणिकता दाखविल्याने सर्वत्र कौतुक होत आहे.

(पोस्ट ऑफिस कार्यलयात कामानिमित्त गेलो असता माझ्याकडून रक्कम कसे पडले लक्षातच आले नाही मात्र घरी आल्यानंतर माझ्या लक्षात आले की माझी रक्कम कुठंतरी पडली तसाच मी कार्यलयाच्या दिशेने निघालो तिथे जाऊन विचारपूस केली तर मॅनेजर साहेबांनी खात्री करून तुमच्याच गावातील मुलांनी रक्कम परत दिली आहे घेऊन जा या दोघांचे मी मनापासून आभार मानतो आणि योगेश व गौरव च्या प्रामाणिकपणाचे तोंड भरून कौतुक करतो यांच्यामुळे माझे पैसे मला परत मिळाले.
शंकर निवलकर नांदा)