चंद्रपुर तालुक्यातील घुग्गुस येथील प्राथमिक आरोग्य केंद्रात विविध समस्यांचा डोंगर...

देवानंद ठाकरे (घुग्घुस प्रतिनिधि): चंद्रपुर तालुक्यातील घुग्गुस येथील प्राथमिक आरोग्य केंद्रात विविध समस्यांचा डोंगर निर्माण झाला असून नागरिकांना तात्काळ सुविधा उपलब्ध करून द्या अशी मागणी सामाजिक कार्यकर्ते ईबादुल सिद्धीकी यांनी केली आहे.शहरात मोठमोठे उद्योग असून नागरिकांना प्रदूषणाचा मोठ्या प्रमाणात सामना करावा लागत आहे.

तसेच येथील नागरिकांना दमा, अस्थमा, त्वचा, व इतर समस्यांना तोंड द्यावे लागत असून येथील नागरिक प्राथमिक आरोग्य केंद्रात उपचारासाठी येत असतात. मात्र येथे औषधी उपलब्ध होत नाही, तसेच अनेक समान धूळखात पडले असून स्वच्छतेचे तीनतेरा वाजले आहेत.इतकेच नव्हे तर प्रसाधनगृह सुद्धा खराब झाले असून येथे येणाऱ्या रुग्णांना त्रास सहन करावा लागत आहे.

घुग्गुस प्राथमिक आरोग्य केंद्रात 15 गावातील नागरिक उपचारासाठी येत असतात.मात्र येथे सोयीसुविधा चा अभाव असल्यानं सर्वसामान्य गरीब नागरिकांना अडचणींचा सामना करावा लागत आहे.याबाबत आज शनिवारी येथील सामाजिक कार्यकर्ते ईबादुल सिद्धीकी यांनी भेट देऊन पाहणी केली असता येथे सेक्युरिटी गार्ड नाही,तसेच प्रसाधनगृह वापरण्या योग्य नाही, तसेच औषधांचा तुटवडा मोठ्या प्रमाणात जाणवत असून येथे येणाऱ्या रुग्णांना बाहेरून औषधी खरेदी करावी लागत आहे.

या सर्व समस्या बाबत जिल्हा आरोग्य अधिकारी व मुख्य कार्यकारी अधिकारी यांना लवकरच पत्र देण्यात येणार असल्याचे सिद्धीकी यांनी सांगितले आहे.