आयएमए चंद्रपूर व सुधीरभाऊ मुनगंटीवार सेवा केंद्र घुग्घुसच्या माध्यमातून कामगारांचे आरोग्य तपासणी शिबीर संपन्न

कामगारांच्या सुदृढ आरोग्यासाठी शिबिराचे आयोजन - देवराव भोंगळे

घुग्घुस: घुग्घुस येथील प्रयास सभागृहात आयएमए चंद्रपूर व सुधीरभाऊ मुनगंटीवार सेवा केंद्रतर्फे अस्थायी कामगारांच्या आरोग्य तपासणीचे शिबीर संपन्न झाले.

कार्यक्रमाचे उदघाटन भाजपा जिल्हाध्यक्ष देवराव भोंगळे यांच्या हस्ते करण्यात आले.

मंचावर प्रमुख पाहुणे म्हणून इंडियन मेडिकल असोसिएशन, चंद्रपूरचे अध्यक्ष डॉ. अमोल पोद्दार, सचिव डॉ. नगीना नायडू, कोषाध्यक्ष डॉ. अमित देवईकर, डॉ. पुनम नगराळे, डॉ. करुणा रामटेके, डॉ. राकेश संगत, रियांशु तावाडे, सत्यजित पोद्दार, प्रशांत रामटेके भाजयुमो प्रदेश उपाध्यक्ष विवेक बोढे, माजी सभापती नितुताई चौधरी, माजी पंस उपसभापती निरीक्षण तांड्रा, माजी उपसरपंच संजय तिवारी, जेष्ठ नागरिक प्रेमलाल पारधी, गजानन जांभुलकर, भारत गाताडे, वसंता गोनेवार, अरविंद गाताडे उपस्थित होते.

याप्रसंगी बोलतांना भाजपा जिल्हाध्यक्ष देवराव भोंगळे म्हणाले की सध्या तीव्र उन्हाळा सुरु आहे. उन्हात काम करतांना कामगारांनी आपल्या आरोग्याची काळजी घेतली पाहिजे. प्रदूषणामुळे कामगारांच्या आरोग्यावर परिणाम होतो, कामगारांचे आरोग्य सुदृढ व निरोगी राहण्यासाठी या शिबिराचे आयोजन करण्यात आले आहे. देशाचे पंतप्रधान नरेंद्र मोदी यांनी अनेक महत्वाकांक्षी योजना कामगारांसाठी काढल्या आहेत. प्रत्येक कामगारांनी ई-श्रम कार्ड काढावे तसेच प्रधानमंत्री सुरक्षा विमा योजना काढावी.

डॉ. अमल पोद्दार यांनी उपस्थित कामगारांना काम करत असतांना आरोग्य विषयक घ्यावयाच्या काळजीबद्दल सविस्तर माहिती दिली.

डॉ. नागिना नायडू यांनी संबोधन करतांना कामगारांनी वेळोवेळी आरोग्य तपासणी करावी, बिमारी अंगावर काढू नये तसेच गरज भासल्यास सर्वतोपरी मदत करेल अशी ग्वाही दिली.

मोठया संख्येत उपस्थित कामगारांच्या आरोग्याची तपासणी डॉक्टरांमार्फत करण्यात आली व मोफत औषधं वाटप करण्यात आले.

यावेळी भाजपाचे स्वप्नील इंगोले, शरद गेडाम, सिनू इसारप, श्रीकांत सावे, दिलीप कांबळे, असगर खान व मोठया संख्येत कामगार उपस्थित होते.

संचालन वाहतूक आघाडीचे जिल्हा उपाध्यक्ष विनोद चौधरी यांनी तर आभार अजगर खान यांनी मानले.