उसगाव येथील महामीनरल मायनिंग कोलवाशरी समोर गावकऱ्यांचे आंदोलन.

चंद्रपुर तालुक्यातील घुग्गुस जवळ असलेल्या उसगाव येथील महामीनरल मायनिंग कोलवाशरी समोर शेतकरी तसेच गावकऱ्यांनी आज बुधवारी आंदोलन केले आहे. महामीनरल मायनिंग कोलवाशरी मुळे गावकऱ्यांना प्रदूषणाचा मोठा त्रास सहन करावा लागत आहे.तसेच गावातून या कंपनी च्या ट्रक ची वाहतूक होत असून संपूर्ण रस्ते खराब झाले असून मोठमोठे खड्डे पडले आहेत.तसेच कंपनीकडून मोठ्या प्रमाणात प्रदूषण होत असून शेतपिकांचे सुद्धा मोठ्या प्रमाणात नुकसान होत आहे.इतक्या समस्या सहन करून सुद्धा गावातील बेरोजगार नागरीकांना या कंपनीत काम मिळत नसल्याने या संपूर्ण मुद्द्याला घेऊन आज बुधवारी गावकरी व शेतकऱ्यांनी कंपनी समोर आंदोलन केले.

या आधी या सर्व समस्यांना घेऊन गावकऱ्यांनी महामीनरल मायनिंग कोलवाशरी ला निवेदन दिले होते.मात्र कंपनी व्यवस्थापनाने त्यांच्या मागण्यांकडे दुर्लक्ष केल्याने गावकऱ्यांनी रोष व्यक्त करत कंपनी समोर आंदोलन केले.