विजयक्रांती कामगार संघटनेतर्फे भव्य कामगार मेळाव्याचे आयोजन.

घुग्घुस प्रतिनिधी:  रविवार 24 एप्रिलला सायंकाळी 4 वाजता फुले-शाहू-आंबेडकर रंगमंच नकोडा येथे चंद्रपूर जिल्ह्याचे पालकमंत्री विजयभाऊ वडेट्टीवार यांच्या मार्गदर्शनात व शिवानीताई वडेट्टीवार यांच्या  नेतृत्वात भव्य कामगार मेळाव्याचे आयोजन करण्यात आले आहे. 4:15 वाजता भव्य बाईक रॅलीचे आयोजन करण्यात आले आहे. घुग्घुस-चंद्रपूर मार्गांवरील धानोरा फाट्या जवळील टोल नाक्यावरून बाईक रॅली निघणार असून नकोडा येथे समाप्त करण्यात येणार आहे तसेच 4:30 वाजता विजयक्रांती कामगार संघटनेच्या फलकाचे अनावरण करण्यात येणार आहे.

    कार्यक्रमाचे उदघाटक चंद्रपूर जिल्ह्याचे पालकमंत्री विजयभाऊ वडेट्टीवार, कार्यक्रमाचे अध्यक्ष महाराष्ट्र प्रदेश महासचिव युवक काँग्रेस तथा विजयक्रांती कामगार संघटनेच्या अध्यक्षा शिवानीताई वडेट्टीवार, प्रमुख अतिथी चंद्रपूर ग्रामीण काँग्रेस कमेटीचे जिल्हाध्यक्ष प्रकाश देवतळे, चंद्रपूर माजी शहराध्यक्ष काँग्रेस नंदू नागरकर, मार्गदर्शक राम मेश्राम, प्रमुख मार्गदर्शक व विजयक्रांती कामगार संघटनेचे कामगार नेते विजय ठाकरे, कार्यक्रम संकल्पना तथा विजयक्रांती कामगार संघटनेचे कार्याध्यक्ष प्रवीण लांडगे उपस्थित राहणार आहे.

    कार्यक्रमाचे आयोजन विजयक्रांती कामगार संघटनेतर्फे करण्यात आले असून मोठया संख्येत कामगारांनी कार्यक्रमास उपस्थित राहावे असे आवाहन आयोजकांनी केले आहे.