घुग्गुस पोलीस ठाण्यातील पोलीस कर्मचाऱ्यांना वसाहत बांधून देण्याची मागणी.

 देवानंद ठाकरे (घुग्घुस प्रतिनिधि : चंद्रपुर तालुक्यातील घुग्गुस पोलीस ठाण्यातील पोलीस कर्मचाऱ्यांना वसाहत बांधून द्या अशी मागणी सामाजिक कार्यकर्ते ईबादुल सिद्धीकी यांनी केली असून आज मंगळवारी गृहमंत्री दिलीप वळसे पाटील यांची भेट घेऊन त्यांना निवेदन देण्यात आले आहे.

तालुक्यातील घुग्गुस पोलीस स्टेशन येथे जवळपास 65 पोलीस अधिकारी व कर्मचारी आपली सेवा देत आहेत. घुग्गुस शहर हे मोठे असल्यानं येथे मोठमोठे उद्योग आहेत.तसेच लोकसंख्या50 हजारांच्या वर आहे.या शहरात अनेक मोठ्या घटना सुद्धा घडत असतात. अशातच येथे जवळपास65 पोलीस अधिकारी व कर्मचारी आपली सेवा देत आहेत.मात्र त्यांना शासनातर्फे राहण्याची सोय उपलब्ध नसल्याने त्यांना शहरातच भाड्याच्या खोलीत राहावं लागतं आहे.परिणामी अतिरिक्त बोजा त्यांच्यावर पडत असून आर्थिक संकटाना सामोरे जावे लागत आहे.

त्यामुळं घुग्गुस शहरातील पोलीस कर्मचाऱ्यांना पोलीस वसाहत बांधून देण्यात यावे अशी मागणी घुग्गुस येथील सामाजिक कार्यकर्ते ईबादुल सिद्धीकी यांनी केली असून आज गृहमंत्री दिलीप वळसे पाटील यांची भेट घेत त्यांना निवेदन देण्यात आले आहे.