वरोरा तालुक्यातिल माढेळी सोईट घाटावरुन रेतीचा उपसा..!

चंद्रपुर जिल्ह्यातील वरोरा तालूक्यात येत असलेल्या माढेळी सोईट घाटावरुन रात्रदिवस दोन पोकलैंड मशिनच्या साह्याने रेती उपसा सुरू असून महसूल विभागाचे सर्व नियम धाब्यावर बसवून हे काम सर्रास सुरू आहे. याकडे मात्र महसूल विभागाचे जाणीवपूर्वक दुर्लक्ष होत आहे. हा रेती घाट एका बड्या राजकीय पक्षाच्या नेत्याच्या नातेवाईकाने घेतला आहे हे विशेष.

मागील दोन महिन्यापासून या रेती घाटावर वाळू माफियांनी जणू धुमाकूळ घातला असून राजरोसपणे दिवसरात्र पोकलँड मशीनने नदी पोखरून काढल्या जात आहे. तसेच मोठ्या प्रमाणात रेतीचा उपसा करून ट्रक द्वारे वाहतूक सुरू असून तहसील तसेच महसूल विभागाच्या आशीर्वादाने हे सर्व काम सुरू तर नाही ना? अशी शंका आता उपस्थित होत आहे.इतकेच नव्हे तर शासनाचा लाखों रुपयांचा महसूल सुद्धा बुडत आहे.

महत्वाची बाब म्हणजे वाहत्या धारेतून रेती उपसा केले जात असून पाण्याची पातळी कमी होत आहे.त्यामुळं उन्हाळ्यात पाण्यासाठी गावकरि नागरिकांना मनस्ताप नाहक त्रास सहन करावा लागत आहे,तसेच वाहतूकीमुळे पाण्यात प्रदुषणात वाढ सुद्धा होत आहे.त्यामुळं याकडे संबंधित विभागाने लक्ष देऊन रेती तस्करांवर कारवाई करावी अशी मागणी करण्यात येत आहे.