गोरमाटी भाषा गौरव दन

 विष्णु डुंगावत (शब्दांकन): गोरमाटी भाषा गौरव दन 2 एप्रिलेम भारतेम मनायेम आवच. दमाळ प्रकाशनेर संचालक, गणेश राठोड (करमठोट) ता.जिवती जि.चंद्रपुर येदुर प्रकाशने सामुती दर वर्षी "गोरमाटी संस्कृतीन  बचाये सारु जो सेराये सरीको काम करच योन चित्ताणी(प्रस्तीती प्रमाण पञ) सन्मान पञ देन गौरव करच.आज भीमणीपुञ मोहन नायक चिंचखेड ता.किनवट जि.नांदेड येंदून साहीत्य क्षेत्रेम आचो भरीव काम किदे करन चित्ताणी देयेम आयो.

योसोच अतुल राठोड निराळा तांडा ता.किनवट जि.नांदेड येन सुध्दा गोर संस्कृतीन बचाये सारु गोरवहीवाटे नुसार सोतार वियो बांधे ,समाजेम आयीजकोन विकृती दुर करेसारु सामाजीक अनिष्ठ परंपरान लाथ मारन सोतार वियो गोरवहीवाटे नुसार बांधन एक आगळो वेगळो आदर्श निर्माण किदे करन योदुन सुध्दा चित्ताणी देयेम आयो.

ये कारीयार सुत्रसंचल विष्णू डुंगावत (रायसीना एज्युकेशन फाऊंडेशन नांदेड जिल्हा संयोजक) किदो अन आभार उत्तम राठोड किनवट तालुका गोरसेना सचिव विशेष करन कारीयान हजर रेवाळो डि .के राठोड खोला किनवट तालुका 'गोरसिकवाडी सहसंयोजक.चित्ताणी देतुवळा निराळा तांडेर नायक ,नसाबी,हसाबी ,गोरसेनार लावालसकर हजर वेते.