शरद पवार यांच्या घरावरील भ्याड हल्ल्याचा कोरपना येथे निषेध

कोरपना:- मुंबई स्थित सिल्वर ओक राष्ट्रवादी काँग्रेसचे शरद पवार यांचे निवासस्थानी न्यायालयाचा निर्णय आला असताना सुद्धा एस.टी. कामगारांनी महाराष्ट्रात कधी नव्हे असा प्रकार घडवून राजकीय अस्तित्व संपविण्याचा कट कारस्थान रचून घटनेचा बोलविता धनी वेगळा असून राजकीय स्वार्थापोटी जो प्रकार घडला याचा तीव्र निषेध कोरपना येथे राष्ट्रवादी काँग्रेस पार्टीचे ज्येष्ठ नेते आबिद अली यांच्या नेतृत्वात घोषणाबाजी व निदर्शने करून भ्याड हल्ल्याचा निषेध करण्यात आला.

मग घटनेला जबाबदार व सहभागी असलेल्या हल्ला करणाऱ्यांना अटक करावे अशी मागणी करण्यात आली. यावेळी सामाजिक न्याय विभागाचे तालुका अध्यक्ष धनराज जीवने,  युवक काँग्रेसचे तालुकाध्यक्ष सोहेल अली, इरफान भाई शेख, अल्पसंख्यांक शहराध्यक्ष नदिर  कादरी, विकास टेकाम, रमेश ठाकरे, गोपाल मरापे, आदित्य मासिरकर, रोशन भुरेवार, मारोती खापणे, चंद्रभान तोडासे, सागर मरसकोल्हे, अल्ताफ बॅग, अमोल टोंगे, यांच्यासह राष्ट्रवादी काँग्रेसचे अनेक कार्यकर्ते उपस्थित होते.