बहिरमबाबा नगर येथे दररोज पाणी पुरवठा करा ।। वार्ड वासियांची निवेदनातून मागणी

देवानंद ठाकरे (घुग्घुस प्रतिनिधि): घुग्घुस येथील वार्ड क्र. 6 च्या बहिरमबाबा नगर येथे दररोज नळाला पाणी पुरवठा व वेळेवर पाणी सोडण्याची मागणी वार्ड वासियांनी केली आहे. बहिरमबाबा नगर हे पाण्याच्या टाकी पासून 50 मिटर अंतरावर आहे. पाणी पुरवठा विभागाच्या ढिसाळ नियोजना मुळे पिण्याच्या पाण्याचा पुरवठा केला जात नाही आहे. दोन ते तीन दिवसा नंतर नळाला पाणी सोडण्यात येते. जीवनातील प्रमुख घटक पाणी आहे ते मिळत नसल्याने नागरिकांना त्रास सहन करावा लागत आहे.

 खाजगी टँकर बोलावून पाणी भरावे लागत आहे. त्यामुळे संतप्त झालेल्या महिलांनी नगर परिषद कार्यालयात जाऊन निवेदन दिले तसेच जप्त केलेले मोटार पंप परत करण्याची मागणी निवेदनातून करण्यात आली आहे व समस्या न सोडविल्यास तीव्र आंदोलनाचा इशारा देण्यात आला.

यावेळी भाजयुमोचे प्रदेश उपाध्यक्ष विवेक बोढे, माजी ग्रामपंचायत सदस्य सौ. सुचिता लुटे, साजन गोहने, नितीन काळे, पंढरी आगलावे, सुनंदा ठाकरे, नागोराव कांबळे, अनिल बोबडे, रमाबाई पडवेकर, राजेंद्र लुटे,व वार्ड वासीय उपस्थित होते.