घुग्गुस नगरपरिषद येथे पार पडला अग्निशमन वाहनाचा लोकार्पण सोहळा, अनेक मान्यवरांची उपस्थिती.

चंद्रपूरातील घुग्गुस येथे नगरपरिषद आवारात आणीबाणी सेवा अग्निशमन वाहनाचा लोकार्पण सोहळा मंगळवारी पार पडला.यावेळी पालकमंत्री विजय वडेट्टीवार, आमदार किशोर जोरगेवार,मुख्याधिकारी आर्शिया जुही आदींची उपस्थिती होती.

चंद्रपुर जिल्हा हा उष्णतेच्या बाबतीत जगात तिसऱ्या क्रमांकावर आहे.तसेच 43 अंश सेल्सिअस तापमानाची नोंद काल करण्यात आली. त्यामुळं तापमानामुळे अचानक आग लागण्याच्या घटना घडू शकतात.घुग्गुस शहराची लोकसंख्या जवळपास 50 हजारांच्या घरात आहे.घुग्गुस शहर औद्योगिक शहर असून काही ठिकाणी दाट वस्ती आहे.त्यामुळे अचानक आग लागण्याच्या घटना घडू शकतात.याच पार्श्वभूमीवर घुग्गुस नगर परिषदेत अग्निशमन वाहन पालकमंत्री यांच्या पुढाकाराने उपलब्ध करून देण्यात आली.याचा लोकार्पण सोहळा पालकमंत्री विजय वडेट्टीवार यांच्या हस्ते पार पडला.