प्रदूषणाविरोधात चंद्रपूर तालुक्यातील घुग्गुस शहरातील महिलांचे आज शनिवारी रास्ता रोको आंदोलन

प्रदूषणाविरोधात चंद्रपूर तालुक्यातील घुग्गुस शहरातील महिलांनी आज शनिवारी रास्ता रोको आंदोलन केले आहे.घुग्गुस हे शहर जिल्ह्यात प्रदूषणाचे माहेरघर म्हणून ओळखल्या जाते.घुग्गुस शहरात कोळसा खाण, लोयट्स मेटल,एसीसी यासारख्या मोठमोठ्या कंपन्या आहेत.अशातच कोळसा सिमेंट सह अन्य वस्तूंची वाहतूक मोठ्या प्रमाणात शहरातून होत असते.इतकेच नव्हे तर काही कंपन्यांमधून प्रदूषण मोठ्या प्रमाणात होत असून याचा नागरिकांच्या आरोग्यावर विपरीत परिणाम होत आहे.

घुग्गुस शहरातील न्यू रेल्वे साइडिंग, इदिरा नगर,शालिकराम, सुभाष नगर, गांधी नगर येथे राहणाऱ्या नागरिकांना प्रदूषणाचा सामना करावा लागत असून दमा, अस्थमा,यासारख्या अनेक रोगांना सामोरे जावे लागत आहे. याबाबत नागरिकांनी प्रदूषणावर नियंत्रण आणण्यासाठी अनेकदा प्रशासनाकडे पाठपुरावा केला.मात्र अजूनही याकडे लक्ष न दिल्याने आज शनिवारी महिला रस्त्यावर उतरले असून रास्ता रोको आंदोलन करण्यात आले.

शहरातून न्यू रेल्वे साइडिंग वरून मालगाडी ने कोळसाचे 58 रैक भरले असतात.तर काही रैक मध्ये ओवर लोड कोळसा भरल्या जाते व समोर राजिव रतन जवळ रेल्वे काटा होते.व लगेच मालगाडी वापस येत असून नावापुरते कोळसा खाली होते व लगेच मालगाडी समोर अन्य ठिकाणी नेल्या जात आहे, जेव्हा रेल्वे रैक कोळसा भरुन जाते गेट बंद असते व पुन्हा वापिस येते.त्यामुळं वाहतूकिची कोंडी होत असून जवळपास एक ते दीड तास हा गेट बंद होत असून सर्वसामान्य नागरिकांना याचा मोठा त्रास सहन करावा लागत आहे.