*पांढरपेशी गुन्हा हा देशाच्या प्रगतीस अडथळा* *डॉ. दिलीप खैरनार*

मंगेश तिखट ( कोरपना तालुका प्रतिनिधी):
राजुरा
    श्री शिवाजी कला, वाणिज्य व  विज्ञान महाविद्यालय राजुरा, समाजशास्त्र विभागाद्वारे "भारतीय समाजातील पांढरपेशीय गुन्हा व त्याचा देशाच्या विकासावरील प्रभाव" या ज्वलंत विषयावर आंतर विद्याशाखीय एक दिवसीय ऑनलाइन राष्ट्रीय परिषद आयोजित करण्यात आली होती. 
  या परिषदचे उद्घाटन मा. डॉ. श्रीराम कावळे, प्र. कुलगुरु, गोंडवाना विद्यापीठ गडचिरोली यांच्या हस्ते झाले. तर बीज भाषक म्हणून डॉ. दिलीप खैरनार, उपप्राचार्य औरंगाबाद हे होते. ते विविध क्षेत्रातील डोकेदुखी ठरणाऱ्या पांढरपेशीय गुन्हेगारी बाबत आपले मत व्यक्त केले. पांढरपेशीय गुन्हेगारीला आपण तत्त्वता मान्यता दिलेली आहे. त्यामुळे दिवसेंदिवस पांढरपेशीय गुन्हेगारीत वाढ होत आहे. यामुळे देशाच्या प्रगतीत अडथळा निर्माण झालेला आहे. यावर जोपर्यंत आपण बोलणार नाही तोपर्यंत यावर ठोस उपाययोजना करता येणार नाही असे परखड मत व्यक्त केले. अध्यक्षस्थानी महाविद्यालयाचे प्राचार्य डॉ. एस. एम. वारकड हे होते. ते बोलतांना सर्वांनी आत्मपरीक्षण करून देशासाठी आपल्या जीवनाची आहुती देणाऱ्या देशभक्तांची आठवण करावी, त्यांच्या आत्म्याला या वाढत्या भ्रष्टाचारामुळे कसे वाटत असेल याचे भान ठेवून सदमार्गाने वागावे असे मत व्यक्त केले.  
       तांत्रिक सत्राच्या अध्यक्षस्थानी मा. डॉ. श्याम खंडारे हे होते तर तांत्रिक सत्राच्या प्रमुख वक्त्या म्हणून मा. प्राध्यापिका संगीता कुमार, आग्रा (युपी) या होत्या. त्या बोलतांना पांढरपेशीय गुन्हेगारीबाबत लोक बोलायला घाबरतात. अन्यायाविरुद्ध बोलणे हे सुध्दा न्याय मिळवून देण्यासारखे आहे. त्यामुळे या गुन्हेगारीबाबत व्यक्त होणे गरजेचे आहे अशा त्या मत व्यक्त केल्या. 
     देशातील विविध राज्यातून अनेक प्राध्यापक व संशोधक विद्यार्थी यांनी पांढरपेशीय गुन्हा यावर शोधनिबंध समाजशास्त्र विभागाकडे जमा केले गेले. शोधनिबंध लवकरच प्रसिद्ध जर्नलमध्ये प्रसिद्ध करण्यात येणार आहेत. त्यापैकी उत्कृष्ठ चार शोधनिबंध परिषेदेत सादर करण्यात आले. त्यापैकी एक शोधनिबंध उत्कृष्ठ शोधनिबंध म्हणून तांत्रिक सत्राचे अध्यक्ष मा. डॉ. श्याम खंडारे यांनी , डॉ. विनोदकुमार यादव, अरुणाचलप्रदेश याची निवड केली.
   परिषदेचे प्रास्ताविक डॉ. राजेश खैरणी, उपप्राचार्य यांनी केले तर तर सूत्रसंचालन प्रा. विठ्ठल शा. आत्राम, समाजशास्त्र विभाग प्रमुख यांनी केली तर उद्घाटन सत्राचे आभार प्राध्यापिका अंजली वारकड यांनी मानल्या तांत्रिक सत्राचे आभार प्रा. व्यंकटरमन यांनी केले. परिषदेच्या यशस्वीतेसाठी प्रा.डॉ. मल्लेश रेड्डी, प्रा.डॉ. संजय शेंडे, प्रा. डॉ. अरुण चिलके, डॉ. अनिता रणधीर, प्रा. विश्वास शंभरकर, डॉ. प्रमोद वसाके यांनी मेहनत घेतली. राष्ट्रगीतांनी परिषदेची सांगता करण्यात आली.