*तो अपघात नाही घातपातच, प्रकरण दाबण्याचा प्रयत्न सुरू. मृतक मुलीच्या नातेवाईकाचा व ysp जिल्हाध्यक्ष सुरज ठाकरे यांचा आरोप*

*मंगेश तिखट (कोरपना तालुका प्रतिनिधी)

: चंद्रपुरातील त्या मुलीचा अपघात नसून ,सामूहिक अत्याचार करून हत्या केल्याचा आरोप सर्व स्तरातून होत असताना , त्या मुलीच्या नातेवाईकांनी व स्वाभिमानी पक्षाचे जिल्हाध्यक्ष सुरज ठाकरे यांनी पत्रकार परिषद घेत पोलीस प्रशासनावर बोट उचलले आहे .

पोलीस प्रशासन व काही व्यक्ती मिळून हे प्रकरण दाबण्याचा प्रयत्न करत आहेत असे आरोप होताहेत जर हे खरे असेल तर चंद्रपूर पोलीस प्रशासनासाठी ही अत्यंत शरमेची बाब आहे असे जनमानसात बोलले जात आहे .

चंद्रपूर: शहरालगतच्या चोराळा गावालगत मित्राला भेटण्यासाठी गेलेल्या २० वर्षीय तरुणीचा संशयास्पद मृत्यू झाला. पडोली पोलिसांनी चारचाकी वाहनाच्या धडकेत तरूणीचा मृत्यू झाल्याचा दावा केला आहे. मात्र, युवा स्वाभिमानी पार्टीचे जिल्हाध्यक्ष सुरज ठाकरे मृतक तरुणीच्या नातेवाईकांनी पत्रकार परिषद घेऊन मुलीवर सामूहिक अत्याचार करून खून करण्यात आल्याचा आरोप केला आहे. पडोली पोलिसांनी घटनास्थळी उपस्थित प्रियकराच्या बयानावर एकतर्फी विश्वास ठेवून तपास केला आहे. त्यामुळे या प्रकरणाचा सर्व दृष्टिकोनातून तपास करण्यात यावा व मृतक तरुणीच्या कुटुंबियांना न्याय देण्यात यावा अशी मागणी यावेळी करण्यात आली.

चोराळा गावाजवळ प्रियकरास भेटण्यासाठी गेलेल्या वीस वर्षीय तरुणीचा संशयास्पद स्थितीत मृत्यू झाला. तरुणीच्या गुप्तांगातून रक्तस्राव झाल्याने हा अपघात नसून सामूहिक अत्याचार करून खून करण्यात आल्याचा आरोप कुटुंबीयांनी व काही राजकीय पक्षांनी केला होता. मात्र पडोली पोलिसांनी खून नसून अपघात असल्याचे जाहिर करून चालकाला अटक केल्याचे सांगितले. त्यामुळे आज युवा स्वाभिमानी पक्षाचे जिल्हाध्यक्ष सुरज ठाकरे व मृतक तरुणीच्या कुटुंबीयांनी पत्रकार परिषद घेत हा अपघात नसून सामूहिक अत्याचार केल्यानंतर खून करण्यात आल्याचा आरोप केला आहे. पडोली पोलिसांनी अपघाताच्या दृष्टिकोनातून तपास केला असून अत्याचार व खून चा दृष्टिकोनातून तपास केला नसल्यामुळे सर्व दृष्टिकोनातून तपास करावा अशी मागणी लावून धरण्यात आली. पत्रकार परिषदेला मृतक तरुणीचे नातेवाईक मोठ्या संख्येने उपस्थित होते.

मृतक मुलीच्या प्रियकारचे आजोबा हे उपमहानिरीक्षक आहेत व मुलीची मैत्रीनीचे वडील सुद्धा पोलिसात कार्यरत आहेत, त्यामुळे आपल्या मुलीच्या काळजीपोटी तर त्या संशयित प्रियकराच्या बचावासाठी पोलीस प्रशासण हे प्रकरण कायदेशीर रित्या हाताळत नाही आहे असे निदर्शनात येते .