कोरपना तालुक्यात 10 वी शालांत परीक्षेला सुरुवात

7 मुख्य व 16 उपकेंद्रावरून 1123 विद्यार्थी देत आहेत परीक्षा

कोरपना - महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने घेण्यात येणाऱ्या 10 वी च्या शालांत परीक्षा 15 मार्च पासून सुरू झाल्या आहेत.कोरपना तालुक्यात एकूण 7 मुख्य परीक्षा केंद्र व 16 उपकेंद्रावर एकूण 1123 विद्यार्थी परीक्षा देत आहेत. सर्वाधिक विद्यार्थी 463 स्थानिक महात्मा गांधी विद्यालय, गडचांदूर या मुख्य परीक्षा केंद्रावर आहेत. 

मुख्य परीक्षा केंद्रा मध्ये स्थानिक महात्मा गांधी विद्यालय व सावित्रीबाई फुले विद्यालय चा समावेश आहे, याशिवाय कोरपना येथील वसंतराव नाईक विद्यालय व स्व,भाऊराव पाटील चटप आश्रम शाळे चा समावेश आहे,तसेच जवाहरलाल नेहरू विद्यालय, आवारपूर, आदर्श किसान विद्यालय, नारंडा व माध्यमिक आश्रम शाळा  धानोली हे मुख्य परीक्षा केंद्र आहेत. अशी माहिती परिरक्षक तथा शिक्षण विस्तार अधिकारी सचिन मालवी व सहाय्यक परीरक्षक विकास भांडारवार यांनी दिली.

आज पहिल्या दिवशी परीक्षा केंद्रावर मुख्याध्यापीका स्मिता चिताडे,उपमुख्याध्यापक अनिल काकडे,पर्यवेक्षक एच. बी.मस्की व इतर शिक्षकांनी पुष्पगुच्छ देऊन स्वागत केले व शुभेच्छा दिल्या,.