एका भंगार चोरट्यास अटक || तीन फरार, अनेक महिण्यापासून चोरीचा प्रकार सर्रासपणे शुरुच.

उसगाव जवळील गुप्ता पावर प्लांट येथे दिनांक 14 मार्च रोजी रात्री 10 वाजता जाऊन तीन ते चार भंगार चोरट्यानी लोखंडी साहित्य किंमत 62 हजार चोरून नेले. फिर्यादी संतोष बोबडे रा. घुग्घुस सुरक्षा रक्षक यास चोरी झाल्याचे दिसताच त्यांनी पोलीस स्टेशन येथे तक्रार दिली पोलिसांनी गुन्हा दाखल करून तपास सुरु केला. आरोपी नितेश सिडाम (21) रा. अमराई वार्ड, घुग्घुस यास दिनांक 15 मार्च रोजी अटक करून चोरीस गेलेले लोखंडी साहित्य किंमत व एक मालवाहक वाहन एमएच 34 बीएच 2116 जप्त केली असा एकूण 2 लाख 12 हजाराचा मुद्देमाल जप्त केला आहे. 

फरार भंगार चोरट्याचा शोध पोलीस घेत आहे.
  ही कारवाई ठाणेदार बबन पुसाटे यांच्या मार्गदर्शनात उप पोलीस निरीक्षक गौरीशंकर आमटे, गुन्हे पथकाचे मनोज धकाते, रंजित भुरसे, महेंद्र वन्नकवार, नितीन मराठे, सचिन वासाडे, ज्ञानेश्वर जाधव व महेश मांढरे यांनी केली.
   काही महिन्यापूर्वी कॉपर चोरी भंगार चोरट्यानी केली होती. सुरक्षा रक्षकांच्या संगनमताने भंगार चोरीचा प्रकार सुरु आहे अशी चर्चा अनेक महिन्यापासून गावातील नागरिकांत आहे. गुप्ता कंपनी जवळपास मागील आठ वर्षांपासून बंद अवस्थेत आहे कंपनीवर बँकेचे लोन असून या कडे दुर्लक्ष केल्याजात आहे.