इंदिरा गांधी महीला महाविद्यालयात महिला दिन साजरा

विद्यार्थ्यांनी पथ नाटकाच्या आधारे पटविले महिला शिक्षणाचे महत्व

देवानंद ठाकरे (घुग्घुस प्रतिनिधि): आज दि. ०८ मार्च रोजी संपूर्ण देशभरात जागतिक महिला दिवस साजरा केले जातो. घुग्घुस येथील गोंडवाना विद्यापीठ संलग्नित इंदिरा गांधी महिला महाविद्यालय मार्फत घुग्घुस शहरात महिला जनजागृती रैली काढण्यात आली.

तसेच नगरपरिषद कार्यालया समोर तथा गांधी चौक येथे विद्यार्थिनीनी पथनाटक सादर करून जनसामान्यांना महिला शिक्षणाचे महत्व पटवून दिले. त्याचप्रमाणे पथनाट्यातून स्त्रीभ्रुण हत्या थांबवण्यास संदेश दिले.

जागतिक महिला दिनाच्या औचित्य साधून विद्यार्थांना स्काऊट गाईड चे प्रशिक्षण देण्यात आले. सदर कार्यक्रम इंदिरा गांधी महिला महाविद्यालयाचे प्राचार्य तोसीफ शेख यांचा अध्यक्षतेखाली पार पडला.

रैलीची सुरुवात महाविद्यालयाच्या मैदानातून पोलीस स्टेशन मार्गे गांधी चौक ते महाविद्यालयात संपविण्यात आली. रैली मध्ये लेझीम पथक सहभागी झाले होते. लेझीम पथकाने सर्वांचे लक्ष वेधले होते.

घुग्घुस पोलीस स्टेशन च्या महिला पोलीस तसेच इतर अधिकारी रैली मध्ये सहभागी झाले होते. घुग्घुस पोलीस स्टेशन मार्फत संरक्षण प्रदान करण्यात आले होते.